Tutankhamun

Gikan sa Bikol Sentral na Wikipedia, an talingkas na ensiklopedya
An maskarang bulawan ni Tutankhamun

Si Tutankhamun (sinusurat man Tutenkh-, -amen, -amon), Ehipsya, twt-ˤnḫ-ı͗mn, [təwaːt ʕaːnəx ʔaˈmaːn]; nabuhay mga 1341 BC – 1323 BC) sarong Ehipsyang faraon kan ika-18 dinastiya (namoon mga 1333 BC – 1323 BC sa ordinaryong kronolohiya) durante sa periodo kan Ehipsyang historya na inaapod Bagong Kahadean. An orihinal na pangaran niya,Tutankhaten, boot sabihon "Nabubuhay na imahe ni Aten", manta an Tutankhamun may kahulogan na "Nabubuhay na imahe ni Amun". Sa heroglipiko, an pangaran na Tutankhamun ginuguhit na Amen-tut-ankh, huli sa kustombreng pagsusurat na an pangaran pinapangenotan nin pangaran nin sarong diyosa sa pagtaong-galang. Siya man pwede daang si Nibhurrereya mismo na nasambit sa Mga Surat Amarna asin posible iyo mansana an ika-18ng dinastiyang hade na si "Rachotis" na, susog ki Manetho, sarong antigong historyador, namoon nin siyam na taon- numero na nag'aayog na sinabi ni Flavius Josephus sa bersyon niya kan Epitome ni Manetho.

Nadukayan an pantyong ni Tutangkhamun kan duwang arkeolohiko na sinda Howard Carter asin George Herbet, an ika-5ng earl nin Carnavon asin ta pambihira an pagkakadiskubre nin huli ta haros bilog na bilog pa an lubongan ni Tutankhamun. An pagkadukay na ini nagsabrit nin dakulang interes naman sa Antigong Ehipto, asin an panglubong na maskarang bulawan ni Tutankhamun iyo an nagin popular na simbolo kaini. Mga eksibit kan mga artifak hale sa saiyang lubongan naglibot na sa bilog na kinaban. Kan Pebrero 2010, an resulta kan mga eksamen sa DNA nagpatotoo na siya aki ni Akhenaten (mummy KV55) asin kan saiyang agom/tugang na dai man isi an pangaran alagad nginaranan na "Hubin na Babae" (mummy KV35YL).

Mga panluwas na takod[baguhon | baguhon an source]

Toltolan[baguhon | baguhon an source]