Unibersidad kan Nueva Caceres

Gikan sa Bikol Sentral na Wikipedia, an talingkas na ensiklopedya
Maglukso sa: paglibotlibot, hanapon
Mayor na tatâ
UNC Sports Palace

An Unibersidad kan Nueva Caceres (Ingles: University of Nueva Caceres, o UNC) saróng pribadong asín daí nin sektang unibersidad na pigpapadalágan kan saróng pampamilyang korporasyon sa Syudad nin Naga. Iní an pinakainot na unibersidad sa Luzon sa luwás kan Metro Manila na namuknà kan taón 1948 ni Dr. Jaime Hernandez. Igwá iní nin programa para sa pre-eskwela, elementarya, hayskul, kolehiyo, asín gradwado.

Pagmukna[liwaton | liwaton an gikanan]

Naipagúhit an unibersidad sa Securities and Exchange Commission kan Mayo 18, 1948 na an mga nagbarakas iyó sindá Jaime Hernandez, Jaime Reyes, Ambassador Jose Fuentebella, Edmundo Cea, Buenaventura Blancaflor, Juan Triviño, Antonio M. Sison, Dr. Manuel Abella asin si Dr. Domingo Abella[1]

Gikan sa eksperyensya ni Dr. Jaime Hernandez, naaraman niya ang inaatubang na kasakitan kang mga Bikolanong estudyante na nangingiturogan para sa halangkaw na edukasyon arog kang mga unibersidad sa Manila. Hinaman nya ang paggibo kang sarong eskwelahan para makataong serbisyo sa mga kahobenan kang Bikolandia. Poon kan Hunyo 1 taon 1948, ini inapod Nueva Caceres Colleges asin nagkaigwa nin oportunidad an mga Bikolano na makaeksperyensya nin halangkaw na edukasyon arog kan mga unibersidad sa Manila. Pakatapos nin anom na taon na pagkamundag kan institusyon, tinawan nin istatus na unibersidad an NCC kan gobyerno na itinao kan Desyembre 15, 1954.

Pagpoon[liwaton | liwaton an gikanan]

Taon 1948, limang departamento an nagbukas para sa mga maenrol, iyo an mga minasunod: Kolehiyo sa Abogasya, Kolehiyo kan Arte Liberal, Kolehiyo kan Komersyo, Kolehiyo kan Edukasyon, asin an huri iyo an Sekundarya na pan-aga. Igwa man nin Edukasyon Pisikal sagkod Departamento kan PMT. An Departamento kan Elementarya saka an Departamento kan ROTC binuksan sa taon na 1949 dangan isinunod an Eskwelahan kan Gradwado sa taon 1953, panbanggi na an Sekundarya saka an Kolehiyo kan Enhinyero sa taon man na 1954. Mantang an Narsing taon 1955 binuksan masin an huri iyo ang Kolehiyo kan Pag-adal nin Kompyuter.

Sa poon, inukopar saka nirentahan kan Nueva Caceres Colleges an Flordeliza asin Hernandez Bilding sa gilid kan tinampong General Luna, P. Burgos sagkod Igualdad (ngunyan iyo na an abenida nin J. Hernandez. Sa inot asin sa ikaduwang eskalon kan duwang edipisyo iyo an mga kwarto sa pag-adal, an libraryo sa ibaba, mantang an sadit na courtyard iyo an nagserbeng pahingaloan sagkod kawatan kan basketbol.

Sa paagi kan paglapigot kan administrasyon saka an pagobserbar ni Atty. Antonio M. Sison, an pagkua kan presenteng lugar kan unibersidad iyo an nangyari. An dating hararom na katangyanan iyo an kinua saka an inot na edipisyo na itinugdok na binasbasan ni Arsobispo Pedro P. Santos kan Abril 18, 1951. Sa nagsurunod na taon, dakol pang edipisyo an naitugdok sa lugar gabos na pasilidad kaipohan para maitao an kalidad kan edukasyon sa lambang estudtante kaini. An libraryo ikinaag asin pinagayon patin an museo na nagin pinakainot sa Bikolandia.

Bako sanang mahihiling an pagtalubo kan unibersidad sa paagi kan mga pasilidad kundi sa termino kan populasyon kan mga estudyante asin mga maestra sa manlainlain na departamento nangurog na sa departamento kan manlainlain na Kolehiyo. Ini nagtao nin dakulang onra sa institusyon asin nagtao man nin pride sagkod pagkabantog sa luwas kan rehiyon.

Kadakol an naggagradwar sa unibersidad na nanginot sa mga eksaminasyon nasyonal, rehiyonal asin probisyal na lebel. Gatos na alumni man na nakakalaog sa politika, negosyo, akademya asin mangiribaiba pang propesyon sa Filipinas asin luwas kan nasyon.

Marcha[liwaton | liwaton an gikanan]

An marcha kan unibersidad iyó an Hail Nueva Caceres.

Hail! Hail! Nueva Caceres
We'll hold your colors high
We'll fight to win in any game
Your victory will be a star
A star upon your name... RAH!
Hail! Hail! Nueva Caceres
High on top you'll be
We'll cheer Hurrah!
and we'll march with flying colors
of Red and Gray...

Hymno[liwaton | liwaton an gikanan]

Nueva caceres , before
God's altar high we sing,
And pledge that ever more
To thee we'll honors bring
When thy portals fade from sight
And darkness dims the day,
They torch shall be right
To guide us on our way
And o'er the Bicol, Land and Sea
They flag shall ever wave,
The Red and Gray for UNC
And youth upright and brave.


Board of Trustees[liwaton | liwaton an gikanan]

Felicito Payumo

Mga dating Presidente[liwaton | liwaton an gikanan]

Toltolan[liwaton | liwaton an gikanan]

Mga panluwas na takod[liwaton | liwaton an gikanan]