Portal:Klima asin Kapalibutan

MainMga PartisipanteMga PahinaGiyaMga AmbagUrulay AgrikulturaBiodibersidadPabago-bago kan Klima Klima asin Kapalibutan An pagburubago sa klima sarong panhalawig na pagbabago kan panahon sa satuyang kinaban magin iyan sa lokal, rehiyonal, o pankinaban na klima. An mga pagbabago na ini igwa nin halawig asin naoobserbaran na epekto sa pankagabsan kan kinaban. An mga pagbabago na ini pwedeng huli sa natural na kawsa, alagad magpuon pa kan 1800s, an mga aktibidad kan tawo an nagin mayor na rason kun tano nagkakaigwa nin siring na mga pagbabago, inot na gayo an pagsusulo kan mga fossil fuel (arog kan coal, krudo, o gas) na naghahaman man nin inaapod na heat-trapping gas. Maninigo na magkaigwa nin hararuman na pag-intindi sa kun pano nagbabago an satuyang klima, tangani na maprepararan ta an paabuton na panahon. An pag-adal kaini nakakatabang satuya na antisiparan halimbawa an paabuton na makusog na uran, o an aasahan tang temperatura sa tiglipot, o kaya kun gurano kalangkaw an itataas kan mga lebel kan kadagatan huli sa pagpapara-init kan temperatura sa kadagatan. Katuyuhan kan proyektong ini na maiwaras an impormasyon manungod sa pagburubago kan klima asin sa mga epekto kaini. Sa paagi kan mga artikulong ambag, masususog ta an pinakaugat kaini, kun ano an mga nagkakawsa kaini arog kan pagmimina nin petrolyo o gas, pagputol nin mga kahoy, mga ati sa kapalibutan, konsumerismo, mga planta, asin iba pa. Sa paagi nin paghahaman nin mga artikulo susog sa urulay na ini, maaraman ta man an pwedeng magin epekto kaini sa satuyang kinaban asin sa pirang sektor sa satuyang komunidad. Arog halimbawa na an tig-init pwedeng makadanyos sa produksyon nin kakanon asin sa satong mga salud. An baha pwedeng magin kawsa kan paglakop kan hilang asin makadanyos sa mga eco-sistema. An mga problema sa salud kan tawo pwedeng makadugang sa bilang kan mga nagagadan, sa produksyon nin pagkakan, asin pagigin produktibo sa mga trabaho. Napiling Artikulo – An Administrasyon kan Filipinas sa Serbisyo nin Atmosperiko, Heopisiko asin Astronomiko o Philippine Atmospheric, Geophysical and Astronomical Services Administration (PAGASA) (Tagalog: Pangasiwaan ng Pilipinas sa Serbisyong Atmosperiko, Heopisiko at Astronomiko, bistado sa pangaran na PAGASA [pagˈasa], na an boot sabihon "paglaom") iyo an National Meteorological and Hydrological Services (NMHS) na ahensya kan Pilipinas na may mandatong proteksiyonan kontra sa mga natural na kalamidad asin masiguro an kaligtasan, karahayan asin seguridad kan ekonomiya, para sa pagpatalubo kan progreso kan nasyon sa paagi kan paglunsar nin mga siyentipiko asin teknolohikal na serbisyo sa meteorolohiya, hidrolohiya, klimatolohiya, astronomiya asin iba pang siyensyang heopisikal. Pigmukna kan Disyembre 8, 1972 sa paagi kan pagreorganisa kan Weather Bureau, an PAGASA ngunyan nagseserbing sarò sa mga Scientific and Technological Services Institutes kan Departamento kan Siyensya asin Teknolohiya. (Full article...) Mga Artikulo Mga Urulay Pankapalibutan sa Pilipinas Tag-alang Environmentalista Mga Epekto Kan Pagbabago Kan Klima sa Biodibersidad Kan Mga Pananom Environmentalista Mga isyung pankapalibutan sa Pilipinas Imahe Antarctica Credit: NASA Image showing the temperature trend in Antarctica between 1957 and 2006 Mga Aktibista sa Klima – Kan 2018, nagprotesta si Hirsi sa kadahasan sa badil. Si Isra Hirsi (namundag kan Pebrero 22, 2003) sarong Amerikanong aktibista sa kapalibotan. Nagi syang co-ehikutibong direktor kan U.S. Youth Climate Strike. Nginaranan siya sa listahan nin Fortune kan 2020 sa irarom kan 40 Gobyerno asin Politika. Si Hirsi nagdakula sa Minneapolis, Minnesota, asin aking babae kan Kongreso kan E.U. na si Ihanar asin Ahmid Abdisaldan Hirsi. Sa edad na 12, saro sya sa mga partisipante na nagpoprotesta para sa hustisya para ki Jamar Clark sa Mall of America. Si Hirsi nagin sarong estudyante sa Minneapolis South High School. Naimbwelto sya sa aktibismo sa klima pakatapos na makaayon sa grupo para sa kapalibotan kan sya nasa sekondarya. (Full article...) Mga Biograpiya Sofía Hernández Salazar Xiye Bastida Xiuhtezcatl Martinez Luisa Neubauer Licypriya Kangujam Helena Gualinga Maria Auma Anuna De Wever Aliénor Rougeot Pagtiripon Mga Artikulo Mga Pwedeng Maitabang Mga Kategorya