Zulkifli Abdhir

Si Zulkifli Abdhir

Si Zulkifli Abdhir (1966 – 25 Enero 2015) sarong Malaysiano na saro sa pinakahinahanap na terorista kan Federal Bureau of Investigation (FBI)]. An amerikanong ahensyang ini nagtangro' nin USD 5 milyon na premyo sa kiisayman na makataong impormasyon na magin dalan sa saiyang pagkatoklo'.. Siya binabansagan man kan tagong-ngaran na Marwan. Siya pigsasahotan na lider kan Kumpulan Mujahidin Malaysia, kaayon sa sentral na liderato kan Jemaah Islamiyah, asin natokdo na nagtatago sa Mindanao sa proteksyon kan Bangsamoro Islamic Freedom Fighters. Si Zulkifli nautasan-buhay 25 Enero 2015 kan nataraka' kan mga opisyal kan Special Action Force sa sarong paglusob sa payag-payag na saiyang pigtuturogan. Siya nagadan sa pagbabadil kan nagngata' siya na maglaban alagad an pagsikop saiya naghuros sa inapod na Bakbakan sa Mamasapano kun saen an mga elemento kan nasabing SAF naipit sa sarong enkwentro na igdi 44 myembro kan SAF, 18 sa MILF asin 5 sa BIFF, asin magkapira pang sibilyan an nagkagaradan sa tanga nin makuring paribayan-putok.