Agrikultural na polusyon

An polusyon sa tubig huli sa dairy na pag - oma sa lugar nin Wararapa na New Zealand (photograpo kan 2003).

An agrikultural na polusyon manungod sa mga biotic asin abiotic na byproduct o mga tada hali sa pag-uuma, asin an mga ini minaresulta sa sa pagkakakontamina kan kapalibutan asin mga nakapalibot igding ekosistema, o ini minatau man nin karautan sa mga tawo pati man sa ekonomiya. An polusyon pwedeng maghali sa manlain-lain na ginikanan, halimbawa sa linya kan tubig o dawa sa daga na midbid man bilang non-point source pollution asin polusyon sa duros. Pag an mga polusyon na ini nakalakop na sa kapalibutan, pwede ining magkaigwang maraot na epekto sa nakapalibot pang mga ekosistema, halimbawa an pagkakaraot kan local wildlife, pagigin maati kan tubig-inuman, o idtong inaapod na dead zones sa mas darakulang hawak nin tubig na kawsa kan mga ati pan-agrikultura.

An paggagamit kan mga pan-agrikultura na materyales, o an kawaran kaaraman sa tamang paggamit kaini, nagkakaigwa nin labing epekto sa magigin danyos kan mga polusyon na ini. An mga paagi sa paggamit kainin pwedeng arog kan animal management o mga paharong o an paggamit kan mga pesticide o pataba para sa agrikultura. An maraot na paggamit kaini pwedeng mahiling sa sala na pag-operar kan pagbabahog sa mga hayop, overgrazing, pag-aarado, pataba, o an sala o sobrang paggamit nin mga pesticide o panggadan sa mga peste.

An mga polusyon sa agrikultura nakakaapekto sa kalidad kan tubig arog kan sa danaw, sapa, wetlands, estuaries, asin tubig sa irarom kan daga. An mga polusyon hali sa pag-uuma iyo an mga sedimento, nutrisyon, pathogen, pesticide, metal, dangan asin. An agrikultura sa pag-aataman hayop igwa man nin siring na naitataung polusyon sa kapalibutan. An mga bakterya asin pathogenna hali sa saindang mga ati o udo nagpapasiring sa mga sapa asin mga tubig sa irarom kan daga, kun an pagsaray o pagpakarhay kan agihan kan ati kaini dai namamantenir nin tultol. An polusyon man sa duros na hali sa agrikultura igwa man nin dakulaon na epekto sa pagbabago kan klima, asin an pagtatau nin solusyon sa mga bagay na ini iyo an sentral na trabaho kan IPCC Special Report on Climate Change and Land.