Aiichirō Fujiyama
Si Aiichirō Fujiyama(May 22, 1897- February 22, 1985) sarong Hapones na politiko kan Liberal Democratic Party asin sarong ehekutibo kan negosyo.[1]
Sarong ehekutibo sa negosyo na nagsisimbolo kan " dakulang negosyo " sa Japan bilang presidente kan Dai Nippon Sugar Manufacturing Co. asin ehekutibong opisyal kan Nitto Chemical Industry Co., ginamit niya an saiyang impluwensya tanganing mangyari an pagbagsak ni Punong Ministro Hideki Tōjō kan Mil nuebe syentos kuanta y kuarto.
Pagkatapos kan pagsuko kan Hapon sa Ikaduwang Giyerang Pankinaban, si Fujiyama nakulong na mayong paglilitis sa laog nin tolong taon, huli ta siya inakusaran nin "krimen sa gera". Pagkatapos kan saiyang pag laya siya nagrepresentar kan Japan sa miting kan UNESCO kan 1951 sa Paris asin kan huri nagserbi bilang Pamayo kan Japan Airlines (1951-1953).
Kan Min nuebe syentos cincuenta y singko asin mil nuebe syentos cincuenta y sais, si Fujiyama an Pamayo kan Japan Chamber of Commerce kan panahon na idto, makusog na nagsuporta ki Nobusuke Kishi bilang kaganahan ki Ichirō Hatoyama sa Presidente kan Liberal Democratic Party, susog sa sarong report kan Central Intelligence Agency . [1]
Si Fujiyama naelihir sa Parliamento kan 1957 asin naelihir giraray nin limang beses. Bilang Foreign Minister sa gabinete ni Punong Ministro Nobusuke Kishi (1957–60), siya an nangenot sa enot na delegasyon kan Japan sa Naciones Unidas (1957), nagtabang sa pagbago kan US–Japan Security Treaty (1960), asin nagtulod kan pagbalik kan diplomatikong relasyon sa pag-ultanan kan Hapon asin Tsina . Nagserbi man siya sa gabinete kan kasalihid ni Kishi na si Hayato Ikeda bilang Direktor kan Economic Planning Agency kan Hapon.
Durante kan mga taon in mil nuebe syentos saisenta, kontrolado niya an sarong personal na paksyon sa laog kan LDP, na harani sa paksyon kan Kishi, asin nagkapirang beses na dai nagin mapanggana an pagdalagan para sa pagkapresidente kan LDP.
Kan mil nuebe syentos siyetenta , si Fujiyama naggibo nin sarong daing pagtugot na pagbiyahe pasiring sa Republika Popular kan Tsina sa paghihingoa na palawakon an relasyon sa komersyo kan Hapon sa Tsina.