Akazome Emon
Si Akizome Emon (赤染衛門, huring 950 o enot na 960 – 1041 o kan huri pa) sarong Hapones na makata nin waka asin historyador kan enot na panahon na nag-istar sa tahaw kan panahon na Heian. Miyembro siya kan Thirty Six Elder Poetic Sages (中古三十六歌仙, Chūko Sanjūrokkasen) asin kan Thirty-Six Immortal Women Poets.
Biyahe nin buhay
[baguhon | baguhon an source]An taon nin pagkamundag ni Akizome Emon dai aram, alagad siya posibleng namundag sa pag-oltanan nin Tentoku 1 (957) asin Kōhō 1 (964). Opisyal siyang aking babae ni Akizome Tokimochi [ia], alagad an late-Heian karonsho (libro nin kritikal na pagsusurat nin rawitdawit) Fukuro-zōshi [ia] nagsasabi na an saiyang tunay na ama iyo an saiyang enot na agom, si Taira no Kanemori.
Sarong pagpalitan nin mga rawitdawit sa pag-oltanan ni Emon asin Fujiwara no Michitaka, na may petsa sa pag-oltanan nin Ten'en 2 (974) asin Jōgen 2 (977), kan siya posibleng nasa huring kahubinan na, an pinakaenot na mapepetsahan na pangyayari sa saiyang buhay. Sa mga panahon na ini, nagserbi siya sa harong ni Minamoto no Masanobu, asin sa halawig na panahon pagkatapos kaiyan nagserbi siya sa aking babae kaini, si Rinshi (琳子), an agom ni Fujiwara no Koretada.
Sa mga panahon man na ini (Ten'en-Jōgen) na nag-agom siya ki Ōe no Masahira [ia], sarong iskolar na Konfucionista asin makata nin waka asin kanshi. Nagkaigwa sinda nin sarong aking lalaki, si Ōe no Takachika [ia], asin sarong aking babae, si Gō Jiju (江侍従), asin saro pang aking babae. An mag-agom ibinilang na "mga lovebirds" (おしどり夫婦, oshidori fūfu).
Segun sa saiyang personal na koleksyon nin waka, an Akizome Emon Shū (赤染衛門集), kan si Masahira duwang beses na isinugo sa Owari Province, sia nag-iba saiya sa duwang beses. An koleksyon nagpapahayag man na nagtrabaho siya tanganing masegurado an propesyonal na pag-uswag kan saiyang aking lalaki sa korte asin nagpresentar nin mga rawitdawit bilang mga handog sa Sumioyoshi Shrine [kinakaipuhan an klarifikasyon] kan siya nagkasakit. An Fukuro-zōshi naglaladawan saiya bilang sarong maamo asin madonong na ina (良妻賢母, ryōsai kenbo) na naggibo nin dakulang paghihingoa sa saiyang pagserbi bilang babaing parahalat ni Rinshi.
Sa Chōwa 1 (1012), nagadan an saiyang agom, asin pakalihis nin pira sanang taon, si Emon nagin madre. Minalataw na nagkaigwa siya nin halawig asin matuninong na buhay poon kaining punto, nabubuhay tanganing maheling an pagkamundag kan saiyang apo sa tuhod na si Ōe no Masafusa sa Chōkyū 2 (1041).
Si Akizome Emon nagserbi ki Minamoto no Rinshi asin Fujiwara no Shōshi, na iyo an agom asin aking babae, sunod-sunod, ni Fujiwara no Michinaga, asin siya presente sa korte kan imperyo kapareho kan panahon ni Izumi Shikibu. Siya sarong kaedad ni Murasaki Shikibu, na nag-omaw kan saiyang pagsurat asin ni Sei Shōnagon. An taon kan saiyang kagadanan dai segurado, alagad posibleng nabuhay siya sagkod sa 1041.
An taon kan saiyang kagadanan dai segurado, alagad posibleng nagbuhay siya sagkod sa 1041.
Mga rawitdawit asin iba pang mga sinurat
[baguhon | baguhon an source]Si Emon nagdanay na aktibo sa pagkomposar nin waka sagkod sa huring parte kan saiyang buhay, na nagkokontribwir nin mga rawitdawit sa mga kompetisyon nin uta-awase kan ika-16 na aldaw kan ikalima nin bulan kan Chōgen 8 (1035), an Kanpaku-Sadaijin-ke Uta-awase (関白左大臣家歌合), [1] asin kan 1041, an Kokiden no Nyōgo Uta-awase (弘徽殿女御歌合).Nagkontribwir man siya nin screen poem (byōbu-uta) tanganing selebrar an ika-70ng taon ni Rinshi, kan 1033.
SIya nagwalat nin personal na koleksyon, an Akizome Emon Shū, asin siya an sinasabing na nagsurat kan enot na parte kan Eiga Monogatari. An saiyang mga rawitdawit ipinasakop sa mga antolohiya kan korte poon sa Shūi Wakashū. Naka-ranggo siya sa ika-apat sa kadakul kan saiyang mga rawitdawit na ipinasakop sa Goshūi Wakashū, na may kagabusan na 32. Orog pa sa 60 kan saiyang mga rawitdawit an ipinasakop sa Kin'yō Wakashū asin sa mga huring antolohiya kan korte.
Sa saiyang artikulo manungod ki Emon, si Hiroko Saitō nagsabi na an saiyang estilo nin pagsurat dai pambihira.
