Alice Leigh-Smith
| Dr. Alice Leigh-Smith | |
|---|---|
| Kamundagan | Alice Prebil Karlovac, Općina Karlovac, Karlovac County, Croatia |
| Kagadanan | 1987 Pransya |
| Midbid bilang | Enot na babayeng Briton na nag-ako nin PhD sa pisika nukleyar |
| Agom | Philip Leigh-Smith |
| Mga aki | Christopher Leigh Smith |
| Karera sa siyensya | |
| Lado | Pisikang nuklear |
| Institusyon | Institusyon kan Curie Unibersidad nin Bern |
Si Alice Leigh-Smith (née Prebil, namundag kan Setyembre 11, 1907, nagadan kan 1987), sarong Croatia na namundag sa pisiko nukleyar. Siya midbid na marhay bilang pinakaenot na babaye sa kasaysayan kan Britanya na nag-ako nin PhD sa nukleyar na pisika.[1] Dugang pa, siya nagigirumdoman huli sa saiyang pioneer na pagsiyasat sa kanser asin huli sa saiyang mga pagprobar sa pagdiskobre nin sarong dai maabot na elemento, an Elemento 85.
Propesyonal na buhay
[baguhon | baguhon an source]Sa edad na 25 kan 1932, si Prebil nagpoon na magtrabaho sa Radium Institute sa Paris sa irarom kan pag-ataman ni Marie Curie. Pakalihis nin tolong taon, kan 1935, sa edad na 28, siya an nagin pinakaenot na babaye sa Gran Britanya na nag-ako nin PhD sa pisikang nukleyar.[2] Inaako na si Leigh-Smith nagdepensa kan saiyang tesis sa London, alagad dai pa aram sa presente kun saen na unibersidad siya tinawan kan saiyang degree.[3]
Si Dr. Alice Leigh-Smith imbuelto man sa paggamit nin mga substansyang radyoaktibo bilang pagbolong sa kanser. Poon 1936, nagkondukta siya nin pagsiyasat sa kanser bilang parte kan kampanya sa kanser kan Imperyo Briton. Poon 1938 sagkod 1940, kan Ikaduwang Gerang Pankinaban, si Alice Leigh-Smith yaon sa Unibersidad kan Bern sa Switzerland, kun saen ipinadagos niya an saiyang trabaho.[2][3] Kan Enero 1943, an pag-antisipar kan mga resulta kan saiyang pag-aadal manungod sa pagbolong kan kanser gamit an mga substansyang radyoaktibo ipinublikar sa London Times.[2] Alagad, mayo nin mga resulta na makukua para sa presenteng pag-analisar.
Kan 1942, si Leigh-Smith asin sarong Swiss chemist, Walter Minder magkasararong nag-anunsyo kan pagdiskubre kan elemento 85 (ngonyan inaapod na astatino)[4] in 1942.[5] Iprinoponer ninda an pangaran na anglohelvetium para sa bagong elemento, tanganing tawan nin onra an saindang mga nasyon- "anglo" para sa Inglaterra ni Leigh-Smith asin "Helvetia" pagkatapos kan personipikasyon kan nasyon ni Minder- Switzerland.[5] Ini an ikaduwang pagprobar ni Minder na madiskobre an elemento. Kan huri napatunayan na si Walter Minder asin Alice Leigh-Smith dai nakadiskubre kan elemento 85, pagkatapos kan dai pag-arog kan saindang mga resulta.[4][6]
Personal na buhay
[baguhon | baguhon an source]Kan 1933, sa edad na 26, inagom niya si Philip Leigh-Smith, sarong Briton na diplomatiko asin aking lalaki kan eksplorador sa Artiko Benjamin Leigh-Smith..[1][7] An saiyang ipinublikar na komedya, "Ladies in Diplomacy" soboot nakabasar sa mga pakikipagsapalaran kan saiyang agom, si Alice.
Si Alice Leigh-Smith, nagkaigwa nin sarong aki sa saiyang agom na si Philip Leigh-Smith. Si Christopher Leigh-Smith iyo an solong aki ni Alice asin buhay pa ngonyan, na nag-aakto bilang sarong negosyante na nakabase sa Switzerland.[7]
Legasiya
[baguhon | baguhon an source]Sa presente, an sarong porsyon kan pribadong mga arkibo ni Alice Leigh-Smith yaon sa pagsasadiri kan Curie Institute para sa Curie Museum. An mga rekord makukua sa paagi nin appointment sana.[3]
Mga toltolan
[baguhon | baguhon an source]- 1 2 Scerri, Eric (2013-05-20). A Tale of Seven Elements
(in English). Oxford University Press. p. 229. ISBN 9780199875030. Alice Leigh-Smith.
- 1 2 3 Stanley, A (1993). Mothers and daughters of invention : Notes for a revised history of technology. New Brunswick, N.J.: Rutgers University Press. p. 135. ISBN 978-0-8135-2197-8.
- 1 2 3 ABES. "Calames". www.calames.abes.fr. Retrieved 2017-12-25.
- 1 2 Nefedov, VD; Norseev, Yu V; Toropova, M A; Khalkin, Vladimir A (1968). "Astatine". Russian Chemical Reviews 37 (2): 87. doi:. Bibcode: 1968RuCRv..37...87N.
- 1 2 Leigh-Smith, Alice; Minder, Walter (1942). "Experimental Evidence of the Existence of Element 85 in the Thorium Family". Nature 150 (3817): 767–768. doi:. Bibcode: 1942Natur.150..767L. https://www.researchgate.net/publication/242841754_Experimental_Evidence_of_the_Existence_of_Element_85_in_the_Thorium_Family.
- ↑ Karlik, B; Bernert, T (1942). "Über eine vermutete ß-Strahlung des Radium A und die natürliche Existenz des Elementes 85". Naturwissenschaften 30 (44–45): 685. doi:. Bibcode: 1942NW.....30..685K.
- 1 2 "www.leigh-smith.org". leigh-smith.org. Retrieved 2017-12-25.
Benjamin Leigh-Smith Arctic Explorer Image of Alice Leigh-Smith