An Pitong Huring Tataramon

An krusipiksyon, imahen gikan sa Krus ni James Tissot, c. 1890

An Pitong Huring Tataramon ni Jesus sa krus (pig-aapod man na Siete Palabras) iyo an pitong mga tinaram susog sa Biblia na pigkokonektar ki Jesus sa panahon kan siyang pagkapako sa krus. Susog sa kaugalian, an halìpot na tinaram inapod na "mga tataramon." Natipon sinda gikan sa apat na Mga Kanonikong Ebangelyo. Tulo sa mga tinaram an luminataw sana sa Ebanghelyo ni Lucas asin tulo sana sa Ebanghelyo ni Juan. An iba pang mga sinabi naglalataw kapwa sa Ebanghelyo ni Mateo asin sa Ebanghelyo ni Marcos. Sa mga libro ninda Mateo asin Marcos, nagkukurahaw si Hesus sa Diyos. Sa Lucas, pinatawad niya an saiyang mga paragadan, pigtatàwan nin katiyakan an nagwawalang parahabon, asin pig-oomaw an saiyang kalag sa Ama. Sa Juan, nakikipag-ulay siya sa saiyang ina, nagsasabing siya napapaha, asin ipinahayag an katapusan kan saiyang buhay sa daga.

Pitong kasabihan

An pitong kasabihan kabtang kan sarong Kristiyanong paghorop-horop na parating ginagamit sa panahon kan Kwaresma, Semana Santa asin Biyernes Santo. An malimit na pagkakasunud-sunod kan mga kasabihan iyo an:

1. Lucas 23:34: Ama, patawada sinda ta dai ninda aram an saindang ginigibo.
2. Lucas 23:43: Sa katotohanan sinasabihan taka, ngunyan mismo makakaiba taka sa paraiso.
3. Juan 19: 26-27: Babae, uya an saimong Aki, uya an saimong ina
4. Mateo 27:46 asin Marcos 15:34 Dios ko, Dios ko, tadaw ta pinabayaan mo ako?
5. Juan 19:28: Napapaha ako.
6. Juan 19:30: Natapos na. (Gikan sa Griyego na "Tetelestai" na ipinalis man na "Nagibo na ini", o "Kumpleto na ini". )
7. Lucas 23:46: Ama, sa saimong kamot idinudusay ko an sakong espiritu.