Antonio Abbondi

Si Antonio Abbondi na mas midbid sa arapodan na Scarpagnino (nagadan 1549) sarong arkitektong Italyano kan peryodong Renaissance, aktibo haros sa Venice mansana.

Biograpiya

Siya namundag sa Grosio, sa Valtellina. Kan 1505, siya nagin superintendente sa pagpahirahay kan Fondaco dei Tedeschi sa Venice; pakalihis tolong taon, pignombrahan siyang Proveditore del Sale ("salt curator") kan siyudad.

Kan an sarong kasulo natomtom an kadakul na mga edipisyo sa Rialto kan 10 Enero 1514, dakula an saiyang papel sa rekonstruksyon, na nakipagkompetensya siya ki Alessandro Leopardi, Giovanni Celeste, asin ki Fra Giovanni Giocondo. An mga desenyo ni Abbondi para sa Fabbriche Antiche inako asin an mga pagpahirahay natapos kan 1522, kabali an bagong tugdok na Palazzo dei Dieci Savi. An pinaghirahay pa man iyo an simbahan nin San Giovanni Elemosinario. Kan 6 Oktobre 1527 siya pignombrahan na proto-maestro para duman sa Scuola di San Rocco, asin siya an nagdesenyo kan su ikaduwang eskalon.

Toltolan

• Sturgis, Russell (1901). A dictionary of Architecture and Building, Biographical, historical, and descriptive (three volumes. Macmillan & Co., London and New York. p. 6.