Anuradhapura Maha Viharaya

Modelo kan Thuparama stupa, an enot na stupa sa Sri Lanka, na kabtang kan edipisyo nin Mahavihara.

An Anuradhapura Maha Viharaya importanteng mahavihara o dakulang monasteryong Budhista para sa Theravada Budhismo sa Sri Lanka. Si Hadeng Devanampiya Tissa kan Anuradhapura (247—207 BCE) iyo an natogdas kaini sa kabesera niyang siyudad kan Anuradhapura. An mga monghe arog ni Buddhaghosa (ika-4 sagkod sa ika-5 siglo CE) asin Dhammapala, na nagsurat nin mga komentaryo sa Tipitaka asin mga teksto arog kan Visuddhimagga, na iyo an sentro kan doktrinang Theravada Buddhist, inestablisar an Theravada Mahaviharan orthodoxy digdi. Inaapod an mga monghe na nag-eerok sa Mahavihara na mga Mahaviharavasin.

Kan ika-5 siglo, an "Mahavihara" posible iyo an pinakamahiwas na unibersidad sa sur o sirangan na Asya. Dakol na internasyonal na intelektwal an nagsongko asin nakanood nin dakol na disiplina sa irarom nin organisadong marhay na pagtotokdo.