Art Malik

Art Malik
Kamundagan	Athar ul-Haque Malik (1952-11-13) 13 Nobyembre 1952 Bahawalpur, Pakistan
Edukasyon	Bec School
Alma mater	Guildhall School of Music and Drama
Trabaho	Aktor
Mga taon na aktibo	1978–presente
Mga aki	2

Si Athar ul-Haque Malik (namundag 13 Nobyembre 1952), midbid sa pangaran na Art Malik, sarong Pakistani-Briton na aktor. Siya nagin bantog sa bilog na kinaban nin pelikula kan mga 1980 kan siya nagbida sa mga papel sa mga Briton na telebisyon na pelikula asin serial. An papel na kinaptan niyang putok na gayo iyo idtong papel bilang si Hari Kumar sa telebisyon serial na The Jewel in the Crown (1984), na nagtao saiya nin nominasyon sa British Academy Television Award para sa Best Actor.

Si Malik nagbida man komo si Zubin Khan sa BBC One na dramang medikal Holby City (2003-2005), komo si Francesc Gacet sa Borgia (2011-14), asin bilang si Bunny Latif sa Homeland (2014-20). Siya namidbiran man sa mga papel niyang si Kamran Shah sa pelikulang James Bond na The Living Daylights (1987) asin bilang kontrabidang si Salim Abu Aziz sa komedyang aksyon na pelikulang True Lies (1994).

Kaamayi nin buhay

Si Malik namundag Athar ul-Haque Malik kan 13 Nobyembre 1952 sa Bahawalpur, Pakistan, aki ni Zaibunisa asin Mazhar ul-Haque Malik, sarong doktor na nagtrabaho bilang siruhano sa mata sa Britain. Kan an ama niya nakakua nin trabaho bilang siruhano sa Moorfields Eye Hospital, si Malik dinara sa London kan 1956, edad tolo. Kan an edad niya onse, siya nagklase sa Bec Grammar School nin Tooting.\