Arugasang
.
An arugasang o ubak kan bunga nin paroy iyo an nagpapatos sa mga tipasi nin bagas asin resulta sa enot na agi nin molino. Ini iyo an natural na proteksyon sa bunga kan paroy mantang yaon sa proseso nin paghinog. An arugasang napakinabangan nang gayo komo gamit sa pagtugdok na kasalak sa "hollow blocks", abono, materyal na panhapin o insulasyon, o panggatong. An arugasang nasirbe man na pankondisyon sa daga na tanoman ngani ini dai magdusok o magin gadot.