Asano Nagakoto
| Asano Nagakoto | |
|---|---|
 | |
| Kagurangnan kan Hiroshima | |
| Termino Hunyo 17, 1869 – Hulyo 14, 1871 | |
| Suminunod ki | Asano Nagamichi |
| Sinundan ni | mayo |
| Personal na mga detalye | |
| Kamundagan | August 28, 1842 Hiroshima, Hiroshima, Hapon |
| Kagadanan | Pebrero 1, 1937 |
| Nasyunalidad | Hapon |
An Marquis na si Asano Nagakoto (浅野 長勲; August 28, 1842 – February 1, 1937) sarong daimyō kan Hiroshima Domain sa halipot na panahon pagkatapos kan Restorasyon nin Meiji. Para sa natatadang parte kan panahon nin Meiji, siya sarong politiko asin diplomat, buda saro sa mga huring nakaligtas na Hapones na daimyō (si Hayashi Tadataka asin Wakebe Mitsunori nabuhay sa saiya).
Agi-agi sa buhay
[baguhon | baguhon an source]Inampon kan saiyang tiyo na si Asano Nagamichi, siya nagserbing katabang kan saiyang ampon na ama sagkod kan mga taon 1860, asin nag-atendir sa kadakol na mga pagtiripon asin pangyayari na nakapalibot sa pagbabalik kan pamamayo kan Imperyo, asin bilang siring saro siya sa kadakol na nagsadol sa shōgun na si Tokugawa Yoshinobu na magbalik sa kapangyarihan kan Hapon. Bakong arog kan kadaklan gikan sa mga domain arog kan Satsuma asin Chōshū, alagad, si Asano nagkontra sa paggibo nin aksyon militar laban sa shogunato. An saiyang pagkaaki iyo an Kiyotsuchi (喜代槌) kan huri Tamegoro (為五郎).
Si Nagakoto nagin ika-doseng daimyō kan Hiroshima kan 1869 kan magretiro si Nagamichi. An mga domain na (Han) iyo an natangkas kan 1871, alagad si Asano tinawan kan titulong Marquis (kōshaku) sa irarom kan kazoku na sistema nin peerage na pigmukna kan panahon na idto.
Siya nagin miyembro kan Genrōin (Kamara kan mga Nakagugurang) kan 1880, ninombrahan na embahador sa Italya pakalihis nin duwang taon, asin nagsirbe sa House of Peers sa laog man nin sarong panahon. Dawa ngani nag-eerok asin naglilingkod sa Tokyo, nagtrabaho siya tanganing suportaran an industriya asin iba pang mga negosyo sa saiyang ginikanan na lugar, na bagong apod na Prepekturang Hiroshima.
An Asano Library (ngonyan Hiroshima Central City Library) binuksan kan 1926, asin si Asano nagadan kan 1937 sa edad na 96 anyos.
Pamilya
[baguhon | baguhon an source]- Ama: Asano Tsutomo
- Ina: aking babaye ni Sawa Yoshimoto
- Nag-ampon nin ama: Asano Nagamichi
- Agom: Yamanouchi Tsunahime, daughter of Yamanouchi Toyoteru, 13th Daimyo of Tosa Domain
- Inampon na mga aki:
- Asano Nagamichi
- Asano Nagaatsu (1843–1873)
- Mashiko married Matsura Atsushi
- Asano Nagayuki, saiyang kasingaki (aking lalaki kan saiyang tiyo na si Asano Toshitsugu)
Mga toltolan
[baguhon | baguhon an source]- Much of this article is derived from a translation of the corresponding article on the Japanese Wikipedia.
- Frederic, Louis (2002). Japan Encyclopedia. Cambridge, Massachusetts: Harvard University Press.
| Suminunod ki Asano Nagamichi |
12th and last (Asano) Daimyō of Hiroshima 1869–1871 |
Sinundan ni none, as Hiroshima domain was transformed into a modern Prefecture |
| Suminunod ki Asano Nagamichi |
27th family head of the Asano clan of Hiroshima 1869–1871 |
Sinundan ni Asano Nagayuki |