Atipil

Gikan sa Bikol Sentral na Wikipedia, an talingkas na ensiklopedya
Jump to navigation Jump to search
Atipil na igwang naipit na kino.


An atipil sarong klaseng li'tag, pandakop sa mga hayop na nakakapeste sa laog nin harong arog kan kino. Ini may pan'ipit na naolaptik oras na makalungkas sa sabit kaini ta an sa'bit may paon sa poro na pag nahiro nakuldas an may spring na pan'ipit asin dagos nalamasa saka naipit sa kino o anoman na hayop na pigdadadakop.

Sarong klaseng ratonera
Pinulotan na papel na pandakop

Igwa man iba pang desenyo na pandakop, asin ini heneralmente inaapod na ratonera. Ini may langoban na paglaog kan hayop sa pinto asin inib'ib an paon, nakuldas an barat asin natuwal an takop sa pintoan na dai na mabukas ta ini sabay hinuhurosan kan balagbag na barat.

An saro pang klaseng pandakop iyo an paggamit nin makusog na pulot ilinahid sa makunot na papel. An pulot kaini sobrang naopot pag nadutaan asin haros mapa'kit an kublit kun pirit tinatangkas sa saiyang pagkapulot. Ini sirbing gayo sa pagpulot man kan mga layog-layog arog kan mga langaw, atibangaw, o ano pang insekto na peste sa laog kan harong.


Toltolan[liwaton | liwaton an gikanan]