Babu Chiri Sherpa
| Babu Chiri Sherpa | |
|---|---|
| Ladawan:Babu Chiri Sherpa.jpg Babu Chiri Sherpa in 2000 | |
| Kamundagan | Hunyo 22, 1965 Taksindu, Solukhumbu District, Nepal |
| Kagadanan | Error: Need valid death date (first date): year, month, day Mount Everest |
| Nasyunalidad | Nepalese |
| Trabaho | Paratukad bulod asin taga-giya |
| Midbid bilang | Nagtukad sa Bukid Everest 10 beses[1] Nagpadamlag sa toktok nin Everest (21 oras) |
Si Babu Chiri Sherpa (Hunyo 22, 1965 - Abril 29, 2001) sarong paratukad-bulod na Sherpa na taga Nepal. Siya nakatukad na hanggan alitoktok kan Bukid Everest sampolong beses na.[2]
Siya may kapot duwang pankinaban na rekord sa Everest. Siya nagdanay nin 21 oras sa alitoktokll nin Everest na mayong pangsostener na oksihenong hangosan, asin siya nakatukad nin rikas na 16 oras, 56 minuto sana, na sagkod ngonyan mayho pang nakakaarog..[3] Sarong ekspertong paratukad, an pangiturogan niya sa buhay makapatugdok nin mga eskwelaqhan sa Nepal.[4]
Kaamayi nin buhay
[baguhon | baguhon an source]Si Babu Chiri Sherpa namundag sa Taksindu, sarong sadit na Sherpa'ng baryo haraning Salleri, an kabesera kan Distrito nin Solukhumbu sa Nepal. Kan aki pa siya, siya nagtatabang sa mga sibotan kan mga magurang niya sa lugart ninda. niya. Si Babu Chiri mayong naresibing pormal na edukasyon ta mayong mga eskwelahan sa baryo niya asinsa paralibot.
Si Babu tinukdoan niya an sadiri na makanood magbasa, asin an pangiturogan niya sa buhay makapatugdok siya nin eskwelahan.[5]
Kan siya aki pa, husto na sana an pagnngalas niya kan kadakuldakul na mga kububuldan sa palibot ninda. Dakul na mgay Sherpa an pagbuhay iyo an paggiya sa mga paratukad sa mga bukid asin pag'asiste igdi pagdara kan mga kagamitan. An leyenda ni Tenzing Norgay saro na gayo an nakaimpluwensya ki Chiri.
Pagtutukad bulod
[baguhon | baguhon an source]Nagpoon siya sa saiyang karera sa pagtukad sa edad na 16 kan siya nakontrata na magbaktot kan mga gamit kan mga paratukad. Sa enot niyang toka pagbaktot siya nasakat niya an Amphu Labtsa pass. Saiyang nasakat an toktok kan Mera Peak (6472 m) sa laogt nin apat na oras kan 1985. Si Chiri mangyari nakasikwit na nin trabaho sa paghakot-gamit pasiring sa Bukid Everest, asin kahaloyi natukad niya an toktok kan Everest nin sampolong beses. Kan Mayo 1999, siya saro nanggad na rekord na nakatagal nin 21 oras sa alitoktok kan Everest na mayong darang suplementaryong oksiheno tabang sa paghangos asin dai nagturog sa mga oras na idto.[6]
Siya nakaiba man sa mga ekspedisyon sa pagtukad sa Cho Oyu.[5]
Mga detalye personal
[baguhon | baguhon an source]Si Babu Chiri nakakataram nin Sherpa, Nepali, Ingles asin Hindi. Siya nagbyahe na sa Kanada, Tsina, Italyaq, Mehiko, Pakistan asin sa Estados Unidos.[7]
Pamilya
[baguhon | baguhon an source]Siya may anom na aking anas babae, apat na mmga makuapong mga babae: Michele, Amira, Sara, Jenica; sin duwang makuapong mga lalaki: Chhewang asin si Urgen.[nangangaipo nin toltolan]
Kagadanan
[baguhon | baguhon an source]
Kan 2001, si Chiri nagkontrata sa ika-11 ekspedisyon niya sa Everest. Kan Abril 29, mantang harani sa Kampo II (6,500 m) asin mantang nagreretrato, si Chiri nagdarusay asin nahulog sa hararom mn crevasse, asin siya nagadan.[8]
Toltolan
[baguhon | baguhon an source]- ↑ "The Sherpas of Everest Series: Babu Chiri Sherpa". www.everesthistory.com.
- ↑ Reed, David; David Reed; James McConnachie (2002). The Rough Guide to Nepal. Rough Guides. p. 445. ISBN 1-85828-899-1.
- ↑ "Babu Chiri Sherpa has died". EverestNews.com. Archived from the original on January 3, 2013. Retrieved 2010-12-13. Unknown parameter
|url-status=ignored (help) - ↑ "The Sherpas of Everest Series: Babu Chiri Sherpa". www.everesthistory.com. Retrieved 2017-05-16.
- ↑ 5.0 5.1 "The Sherpas of Everest Series: Babu Chiri Sherpa". everesthistory.com. Retrieved 2017-05-16.
- ↑ Douglas, Ed (2 May 2001). "Babu Chhiri Sherpa: His series of records on Everest included - at under 17 hours - the fastest ascent". The Guardian. https://theguardian.com/news/2001/may/03/guardianobituaries1. Retrieved on 19 February 2019.
- ↑ "Babu Chhiri Sherpa: Man Who Spent 21 Hours On Everest Summit Without Oxygen". trekebc.com (in English). 21 November 2023. Archived from the original on 5 March 2024. Retrieved 23 June 2025.
- ↑ "The Sherpas of Everest Series: Babu Chiri Sherpa".