Bal-Bal
- Para sa ibang gamit, Hilingon an Balbal (klaripikasyon).Sa mitolohiya kan Pilipinas, an Bal-Bal sarong buhay na halimaw na naghahabon nin mga bangkay dawa man ini nasa lobong o lolobongan asin kinakakan ka ini an bangkay. Igwa ining makusog na pamarong para sa mga hawak kan tawong gadan. Igwa man ini nin mga kuko asin ngipon na matarom na makakagisi kan sulot na bado kan mga gadan. Huli ta ini mayong ibang kinakakan kundi mga bangkay, igwa ining mabatang hinangos. Kun an halimaw na ini makahiling asin makakan kan bangkay, babayaan kaini an sarong poon nin batag sa lungod na naggigibo nin ilusyon kan hinabon na bangkay tanganing dayaon an mga tawo.[ kaipuhan an sitasyon ]
An Bal-Bal inaasosyar man sa Aswang, Amalanhig, asin pati sa Busaw, na an gabos na ini mga parakakan nin laman. Sinda pigklasipikar sa saro sa mga pinakamakatatakot na linalang sa Filipinas huli sa saindang itsura. Ilinadawan pa ngani sinda asin ikinumparar sa bampira kan mga kontinente sa sulnupan.
