Bandna
| Bandna | |
|---|---|
 An Bagal kaiba an saindang mga baka sa lugar na santuaryo para sa Goth puja. | |
| Pigseselebrar kan | Agrikultor kan tribo |
| Klase | Kultural, panapanahon |
| Importansya | Pagsamba sa mga ataman na baka |
| Kapuonan | Oktubre |
| Katapusan | Nobyembre |
| Petsa | Amavasya kan Kartik |
| Mga selebrasyon | naggigibo nin relihiyosong mga ritwal asin bangkete |
| Mga pag-obserba |
|
An Bandna (binibiaba na Bāndnā, Hindi: बांदना) sarong kapiyestahan na nakasentro sa agrikultura kun sain sinasamba an mga ataman na baka asin mga kasangkapan sa agrikultura.[1] An kapiyestahan kadaklan pig-oobserbaran sa estado kan Jharkhand, Sulnopan na Bengal, Odisha asin Assam, asin pigseselebrar taon-taon susog sa kalendaryo kan Hindu sa bulan kan Amavashya kan Kartik.[2][3]
Kabilogan
[baguhon | baguhon an source]An bandna sarong selebrasyon kan mga banhi nin paroy na itinatanom kan mga komunidad na agraryo sa rehiyon. An kapiyestahan na ini pigseselebrar kan mga tribong Kudmi Mahato sa Sirangan na Indya.[4] Saro ini sa kadakol na kapiyestahan kan mga Indyanon na kun sain sinasamba an mga baka.[5][6]
Selebrasyon
[baguhon | baguhon an source]
An Bandna sarong pitong aldaw na kapiyestahan: an inot na tolong aldaw iyo an Chumaan; an ikaapat na aldaw iyo an Goth Puja; an ikalimang aldaw iyo an Goriyaa Puja; an ikaanom na aldaw iyo an Borod Khuntaan; asin an ikapitong aldaw iyo an Budhi Bandna. An mga ritwal kan inot na tolong aldaw minsan pinalawig sagkod sa limang aldaw bago an Goth Puja.
Mito
[baguhon | baguhon an source]An Kagurangnan Shiva (Burha Baba) naglalang nin mga tawo, tinawan niya sinda nin kakanon. Sa tamang panahon, nagdakol sinda sa sarong dakulang populasyon. Sinadol sinda ni Shiva na magprodusir kan saindang sadiring kakanon sa paagi nin pagkultibar kan daga. Alagad, kun mayo nin mga kasangkapan asin teknolohiya sa agrikultura, an mga paraoma nagkaigwa nin kadakol na problema. Nakimaherak sinda sa kagurangnan para sa solusyon. Naherak si Shiva sainda asin tinawan sinda nin mga baka. Sa primero, an relasyon kan mga lalaki asin kan mga baka maboot, alagad sa pag'agi nin panahon, ini naggrabe asin an mga baka inabuso. An mga baka nagreklamo ki Shiva. An reklamo kabali an mapagal na trabaho, halawig na oras nin trabaho, kulang na kakanon, bakong malinig na mga istaran, mga pambubugbog, kawaran nin pag-aling-aling asin kadaihan nin pagpasalamat sa saindang kontribusyon. Inasegurar sinda kan kagurangnan na siya mag-iinspeksyon nin patago sa banggi kan Kartik Amavasya. An mga lalaki nagin aware sa mga reklamo, sa mga tawo lininig an saindang mga harong asin mga kulungan nin baka, asin sa aldaw nin Amavasya, an mga baka hinugasan nin tama mantang an saindang mga sungay asin angog pinahidan nin lana asin bermilion. An mga baka tinawan nin kakanon asin an Gohal (sirungan nin baka) pig-iilawan nin Diyas (mga lampara na gibo sa daga). An mga bugkos nin doot ibinugtak kaiba an mga Diyas sa mag-ibong na gilid kan entrada kan kulungan nin baka. An doot na Sohrai ibinugtak sa atop tanganing iparisa an pagkakaigwa nin kakanon para sa mga baka. Sa ikaduwang aldaw, nakua ni Shiva an mga tawo na nagsasamba ki Garaiya na may mga espesyal na dolot, kaiba an sarong atang na ginibo sa saindang onra. Kan ikatolong aldaw, naobserbaran nia na an mga baka nasa maogmang kamugtakan, na nagbabarayle kaiba kan mga tawo. An mga kanta asin an musika nagpano kan aire nin init, entusiasmo asin pagkaoroyon. Sa saiyang pagbalik, nakua niya an mga Bagals/Dhangars (kontratang Paraataman) na nag-aadal sa mga baka sa gochar (dagang pasabsaban). Ini an nagin bakong balido kan reklamo. Kan sunod na panahon, an mga baka nagreklamo giraray manongod sa mga kasakitan, na nagtulod ki Shiva na inspeksyunan sinda sa parehong aldaw. An kagurangnan naggibo nin sarong sekretong pagbisita, na nanompongan an mga baka na maogma asin kontento. Poon kaidto, an tradisyon nagpadagos asin taon-taon na pigseselebrar bilang Bandna Parab.[7]
Hilingon man
[baguhon | baguhon an source]Mga toltolan
[baguhon | baguhon an source]- ↑ Kumar, Shaktipada (1 January 2019). "Tracing the Cultural Tradition of Jangalmahal through Bandna Parab and Jawa-Karam Parab" (in en). Mahatma Gandhi Central University Journal of Social Sciences. https://www.academia.edu/48918700.
- ↑ "Festivals of Jharkhand | Department of Police, State Government of Jharkhand, India". www.jhpolice.gov.in. Archived from the original on 26 February 2022. Retrieved 26 February 2022. Unknown parameter
|url-status=ignored (help) - ↑ The Bandna Festival of Midnapore. Man in India. 37. Anthropological survey of India.
- ↑ Roy, Sarat Chandra (1956). Man in India (in English). A.K. Bose. p. 214.
- ↑ Kumar Mohanta Sudhanshu Shekhar Mahato, Basanta. "Bandna Parab – A Thanksgiving Ceremony of the Kurmis" (PDF). Archived from the original (PDF) on 23 March 2023. Retrieved 6 November 2018. Unknown parameter
|url-status=ignored (help) - ↑ "ଗୋ-ପୂଜାର ନିଆରା ପରମ୍ପରା 'ବାନ୍ଦଣା ପର୍ବ'". Samaja Live (News) (in English). 26 October 2019. Archived from the original on 14 May 2021. Retrieved 27 August 2021. Unknown parameter
|url-status=ignored (help) - ↑ Kumar Mohanta Sudhanshu Shekhar Mahato, Basanta. "BANDNA PARAB–A THANKS GIVING CEREMONY OF THE KUDMIS" (PDF). Archived from the original (PDF) on 23 March 2023. Retrieved 6 November 2018. Unknown parameter
|url-status=ignored (help)
Urog pang mababasa
[baguhon | baguhon an source]- Kumar, Shaktipada. "Tracing the Cultural Tradition of Jangalmahal through Bandna Parab and Jawa-Karam Parab" (PDF). Retrieved 15 October 2021.
- Behera, Dr. Lipika (2017). "Major Festivals of Mayurbhanj". The Researchers' International Research Journal 3: 37–38. ISSN 2455-1503. Archived from the original on 23 March 2023. https://web.archive.org/web/20230323024039/https://theresearchers.asia/Papers/Vol-III,%20Issue-II-2017/Major%20Festivals%20of%20Mayurbhanj.pdf. Retrieved on 16 October 2021.
- General, India Office of the Registrar (1967). Census of India, 1961 (in English). Manager of Publications.