Barbara Bush
| Barbara Bush | |
|---|---|
.jpg)
| |
| Official portrait, 1992 | |
| First Lady of the United States | |
| In role January 20, 1989 – January 20, 1993 | |
| President | George H. W. Bush |
| Suminunod ki | Nancy Reagan |
| Sinundan ni | Hillary Clinton |
| Second Lady of the United States | |
| In role January 20, 1981 – January 20, 1989 | |
| Bise Presidente | George H. W. Bush |
| Suminunod ki | Joan Mondale |
| Sinundan ni | Marilyn Quayle |
| Personal na mga detalye | |
| Kamundagan | Barbara Pierce Hunyo 8, 1925 Queens, New York City, U.S. |
| Kagadanan | Abril 17, 2018 (edad 92) Houston, Texas, U.S. |
| Lulubngan | George H.W. Bush Presidential Library and Museum |
| Partido politikal | Republican |
| Mga aki | |
| Edukasyon | Smith College (dropped out) |
| Lagda | 
|
Si Barbara Bush (née Pierce; Hunyo 8, 1925 – Abril 17, 2018) iyo an Enot na Babae kan Estados Unidos poon 1989 hasta 1993, bilang agom kan ika-41 na presidente kan Estados Unidos na si George HW Bush. Dati, siya an Ikaduwang Babae kan Estados Unidos poon 1981 hasta 1989, asin nagmukna kan Barbara Bush Foundation for Family Literacy. Kabali sa saiyang mga aki iyo si George W. Bush, an ika-43 na presidente kan Estados Unidos, asin si Jeb Bush, an ika-43 na gobernador kan Florida. Siya asin si Abigail Adams iyo sana an duwang babae na nagin agom kan sarong presidente kan Estados Unidos asin ina kan saro pa. Kan panahon na siya nagin Enot na Babae, siya an ikaduwang pinakagurang na babae na nagkapot kan posisyon, sunod sana ki Anna Harrison, na dai nanggad nag-istar sa capital. Si Bush sa pankagabsan popular bilang Enot na Babae, na midbid huli sa saiyang imahe bilang lola.
Si Barbara Pierce namundag sa siyudad nin New York asin nagdakula sa Rye, New York. Nabisto niya si George HW Bush sa edad na labing anom, asin an duwa nagpakasal kan 1945. Nag-istar sinda sa Texas kan 1948, kun saen si George nagin negosyante sa industriya nin lana asin kan huri nagpoon kan saiyang karera sa politika. Si Bush nagkaigwa nin anom na aki sa poon kan 1946 sagkod 1959, asin kinaipuhan niyang tioson an pagkawara kan saiyang tolong taon na aking babae na si Robin dahil sa leukemia kan 1953. Nag-istar siya sa Washington, DC., New York, asin Tsina habang iniibanan an saiyang agom sa manlaen-laen na papel kaini sa pulitika kan mga taon 1960 asin 1970. Siya nagin aktibong parakampanya para sa saiyang agom kada ini nagtitindog para sa eleksyon. Si Bush nagin Ikaduwang Babae pagkatapos na an saiyang agom nagin bise presidente kan 1981. Nag-ako siya kan papel nin sarong social hostess bilang Ikaduwang Babae, na naggigibo permi nin mga okasyon sa residensya kan bise presidente, asin nagbiyahe siya sa kadakol na nasyon kaiba an saiyang agom sa mga misyon na diplomatiko.