Batomys uragon
| Batomys uragon | |
|---|---|
Sayantipiko na klasipikasyon  | |
| Missing taxonomy template (pakarhayon): | Batomys |
| Espesyes: | Template:Taxonomy/BatomysB. uragon |
| Ngaran binomyal | |
| Template:Taxonomy/BatomysBatomys uragon Balete et al., 2015 | |
An Batomys uragon (pigbubusol na komun na ngaran Mount Isarog hairy-tailed rat) iyo an sarong espesye nin cloud rat na endemic sa Filipinas. Enot iyan na nadukayan kaidtong 1988, asin an bilog na paglaladawan pinublikar kaidting 2015, sa Proceedings of the Biological Society of Washington.[1] Sa ngunyan solamenteng manunumpungan iyan sa Luzon, an pinakadakulang isla kan Filipinas. An enot na specimen kinolekta gikan sa Bukid Isarog sa habagatan na gilid kan isla. An iba pang 14 specimens kinolekta sa huri. Iyo iyan an ikaapat na espesye nin mamalya (na midbid sa ngunyan) na nabubuhay sa naunambitan nang bukid. An bagong espesye linadawan ninda Danilo S. Balete, Eric A. Rickart, Lawrence R. Heaney, asin Sharon A. Jansa.[2] Klinasipikar iyan bilang bagong espesye na basado sa DNA analyses asin structural na mga paglaladawan (morphometric analyses). Lain man iyan sa saiyang pinakaharaning kapartidaryos, an Luzon hairy-tailed rat (Batomys granti), sa saiyang cytochrome b sequence, moderatong sukol nin hawak, patterns nin kulay, asin istruktura nin bungo.
Etimolohiya
[baguhon | baguhon an source]An epesipikong ngaran na uragon iyo an katagang Bikol, an tataramon kan mga lokal na tawo, an mga Bikolnon sa Luzon. Mayong direktang traduksyon sa Ingles, an kataga mahiwas a trinadusir bilang "possessing great ability, vitality, or power". Siring iyan kaini tanganing i-attribute an espesye huli sa saiyang dispersal ability, persistence, asin pagigin daing-siring sa Rawis kan Bikol.[1]
Toltolan
[baguhon | baguhon an source]- 1 2 Balete, Danilo S.; Rickart, Eric A.; Heaney, Lawrence R.; Jansa, Sharon A. (2015). "A new species of Batomys (Muridae, Rodentia) from southern Luzon Island, Philippines". Proceedings of the Biological Society of Washington 128 (1): 22–39. doi:.
- ↑ Talabi, Kolawole (20 November 2015). "New rat species find sheds light on Philippine mammalian diversity". Mongabay. http://news.mongabay.com/2015/11/new-rat-species-find-sheds-light-on-philippine-mammalian-diversity/. Retrieved on 23 November 2015.
