Bleach (manga)

An Bleach (nakasurat sa darakulang letra) sarong Japanese manga series na isinurat asin pig-ilustrar ni Tite Kubo. Ini manungod sa mga adbentura ni Ichigo Kurosaki, sarong hoben na nagkaigwa nin kapangyarihan bilang sarong Soul Reaper—sarong personipikasyon nin kagadanan na pareho sa sarong Grim Reaper—gikan sa saro pang Soul Reaper, si Rukia Kuchiki. Sa saiyang bagong kapangyarihan, nagin responsibilidad niya an pagprotekta sa mga tawo laban sa mga maraot na espiritu na inaapod na mga Hollows, asin paggiya sa mga kalag pasiring sa buhay pagkagadan. Ini man naggiya saiya pasiring sa manlaen-laen na paglakbay sa mundo kan mga espiritu.

Isinapelikula an Bleach sa magasin kan Shueisha na inaapod na Weekly Shōnen Jump poon Agosto 2001 sagkod Agosto 2016, na kun sain an mga kapitulo kaiini kinolekta sa 74 na mga tomo tankōbon. Nagdakol an prankisa kaiini sa medya, kaiba an anime series sa telebisyon na produksyon kan studyo Pierrot poon 2004 sagkod 2012, duwang orihinal na mga episode nin video animation (OVA), apat na animated feature films, sampulong stage musicals, asin kadakol na mga video games, siring man an iba-ibang klaseng produkto na may relasyon sa Bleach. Sarong Japanese live-action na pelikula an pigprodusir kan Warner Bros na nag-premiere kan 2018. Sarong sequel kan anime television series na nag-adaptar kan huring story arc kan manga na nag-premiere kan 2022.

Sa North America, an manga nagin lisensyado sa pag dakitaramon sa Ingles kan Viz Media kan 2004. Pinaluwas ninda an mga kolektadong volumes asin pinublikar an mga kapitulo kaiini sa saindang magasin na Shonen Jump poon Nobyembre 2007 sagkod sa pinal na isyu kan magasin kan Abril 2012.

Kan 2005, an Bleach nag-ako kan ika-50 na Shogakukan Manga Award para sa kategoryang shōnen. Pag abot kan 2022, nagkaigwa an manga nin labing 130 milyon na mga tomo tankōbon na nagsirkular sa bilog na kinaban na iyo an saro sa pinakamabentang manga sa kasaysayan.