Boksing

Sarong laban sa boksing nin babae sa Uruguay kan 2008

An boksing sarong patimpalak sa patiribayan sa pakikipaglaban asin arte marsyal. Nangyayari sa sarong ring nin boksing, ini imbuelto an duwang kalaban na pupunitihan sa lambang saro sa laog nin sarong patienot nang itinalaan na lawig nin panahon. Ini parati na ginigibo na nakasulot nin mga gamit sa pagprotekta, arog kan mga hapin sa kapot na pangprotekta, mga panghapin sa kamot, asin mga panghapin sa ngurapak .

Dawa ngani an terminong 'boksing' komun na nanonongod sa estilong Solnopan, kun saen an mga kamao sana an ginagamit, ini nag'embuwelto nin iba sa manlaen-laen na rehiyon asin kultura sa bilog na kinaban. Ngonyan an terminong, "boksing" ginagamit man sa pagsambit sa arin man na patimpalak sa pakikipag laban na nakasentro sa pagpuniti, kun saen an duwang mag kalaban naglalabanan sa lambang saro gamit an saindang mga kamao, asin posibleng maglaog nin mga sikad, pagtama sa siko, pagtama sa tuhod, asin mga pagpangko sa payo, depende sa mga patakaran. Kabali digdi an punitihan na mayong hapin ang kamot, sikad-boksing, Muay Thai, Lethwei, savate, asin sanda. An mga teknika sa boksing pinagsararo sa kadakol na arte martial, sistemang militar, siring man sa iba pang mga patimpalak sa pakikipunitihan.

An mga tawo nakikilaban sa kamao sa kamao na pakikipunitihan poon pa sa kapinonan kan kasaysayan nin tawo. Bakong malinaw kun kasuarin nagin sarong patimpalak an boksing, alagad an nagkapirang pinagkukuanan nagsusuherir nin mga ginikanan bago an kasaysayan, na nagpoon pa kan ika-6 na milenyo BC sa kun ano ngonyan an Etyopya . Pigtutubodan na kan an mga taga Ehipto nagsalakay sa mga taga Nubia, inadaptar ninda an boksing gikan sa mga lokal na populasyon, na sunod na nagpabantog kaini sa Ehipto. Poon duman, an isports na boksing naglakop sa manlaen-laen na rehiyon, kaiba an Gresya, pasiring sa sirangan pasiring sa Mesopotamia, asin pasiring sa amihanan pasiring sa Roma .

An pinakaenot na biswal na ebidensya kan boksing gikan sa Ehipto asin Sumer, parehong gikan sa ika-3 milenyo, asin makukua sa mga inukit na Sumerian na petsado kan ika-3 asin ika-2 milenyo BC. An pinakaenot na ebidensya kan mga patakaran sa boksing nagpoon pa kan suanoy na Gresya, kan an boksing idinagdag sa mga pakawat sa Olimpiko kan 688 BC. An boksing nag-uswag sa paagi kan mga laban sa premyo kan ika-16 - ika-18 siglo, kadaklan sa Gran Britanya, sagkod sa modernong naenot kaini kan kabangaan kan ika-19 siglo, sa pag'introdusir kan Marquess of Queensberry Rules kan 1867.

An boksing pinamamahalaan nin sarong parasaway asin igwa nin serye nin 1-3 minutos na mga agwat na inaapod na "mga harampangan". An sarong manggagana pwedeng madesisyonan bago matapos an mga hampangan kun an sarong paraawat nagdeterminar na an sarong kalaban dai na kayang magpadagos, nagdidiskuwalipikar nin sarong kalaban, o kun an kalaban napatumba sa paagi ning suntok o puniti o nagdulag. Kun an bakbakan makaabot na sa katapusan kan huring hugmok kaini, asin an duwang kalaban nakatindog pa, an manggagana madedeterminaran kan mga lista kan tugpa kang mga puniti nahali sa mga hurado. Kun an duwang paralaban makakua nin patas na hasi gikan sa mga hurado, ini ibinibilang na sarong tabla/patas. Sa boksing sa Olimpiada, huli ta kaipuhan na ideklarar an sarong nanggana, an mga hurado nagtatao kan laban sa sarong paralaban base sa teknikal na mga pamantayan. An bakong propesyonal na boksing parte kan parehong Olympics asin Commonwealth Kawat, asin sarong pamantayan na tampok sa kadaklan na internasyonal na mga kawat. An boksing igwa man nin sadiring mga kampeonato sa kinaban, na pinamamahalaan kan WBA, WBC, IBF, asin WBO.