Bukid nin Maya

An Bukid nin Maya sarong 698.6 metros nin langkaw (2,292 ft) na bukid sa Kobe, Hyōgo Prefecture, Japan. Saro ini sa dakulang rurok kan Bukid nin Rokkō, asin pinaka sikat na rurok para sa mga bisita kan bukid nin West-Rokkō.

Balangkas

An Bukid nin Maya saro sa duwang sentro sa Bukid nin Rokkō para sa mga turista. An bukid nin Maya igwa nin koneksyon hali sa pamitisan kan bukid sagkod sa tuktok. Iyan an Maya Cableway asin Maya Ropeway. An bukid na ini igwa man nin pasil na agihan sa pamitisan sa paagi kan Okumaya Driveway. An lugar kan bukid nin Maya konektado sa lugar nin Kinenhidai asin sa tuktok kan Bukid nin Rokko sa paagi kan bus. An bukid na ini parte kan Setonaikai National Park asin bantog sa tanawon hali sa bukid. Lalo pa hali sa Kikiseidai, an parke na harani sana sa tuktok kan bukid, pwedeng mahiling kan bisita an bilog na lugar kan Osaka Bay kaiba an Kobe,, Nishinomiy, Amagasaki, Osaka, Sakai, asin an duwang mayor na palapagan sa lugar na ini, Kansai International Airport asin Kobe Airport. An bangging tanawon inaapod "ten million dollar night view" asin saro sa tulong nagiginot sa Japan, kaiba an Hakodate asin Nagasaki.

Kasaysayan

An histora kan Bukid nin Maya nagraraning konetado sa templo kan Tenjō-ji. An Tenjō-ji sinasabing natugdok sa 646 kan High Mink Kobo dara kan estatwa kan Maya, an ina ni Buddha, kan suanoy na India , asin dedikado sa templong ini. An ngaran kan bukid na ini naggikan sa estoryang ini.

An Tenjō-ji sarong impluwensyang templo sa halabang panahon, pero an orihinal na templo na namumugtak harani sa tuktok kan bukid na sinulo kan tawong may obsesyon sa pagsulo kan 1975. An templo tig tugdok utro sa norte asin halangkaw na lugar harayo sa orihinal. An kasalukuyang estatwa kan Maya (ini ni Buddha) nakamugtak sa Jaipur sa India asin tig-donar kan Indian na residente kan Kobe bilang sarong parte kan pagpupursige sa pagpakaray kan templo kan 1976.

Agihan

Igwang dakol na paagi nganing makaduman sa alituktok kan bukid. An mga ruta na ini sa paagi nin kable asin lubid.

Maya Cable Shita – ( Maya Cable ) - Niji no Eki – ( Maya Ropeway ) – Hoshi no Eki
Rokko Cable Shita – ( Rokko Cableway ) – Rokko Sanjo – (Rokko Maya Sky-Shuttle Bus) – Mount Maya
Kitano Itchome - ( Shinkobe Ropeway ) – Nunobiki Hurb Garden – (Lakaw) – Mount Maya
Istasyon nin Shin-Kobe – (Lakaw: Kyumayado - Gakko Rindo - Tengumichi) – Bukid Maya
Maya Cable Shita – (Lakaw: Uenomichi) – Bukid Maya

Hilingon man

Japanese gunboat Maya
Japanese cruiser Maya
Maya Station, an haraning relis na estasyon na pinangaranan hali sa bukid.

Mga Reperensya

Mapa kan GSI gikan sa Geospatial Information Authority of Japan
Setouchi National Park
'Rokko Maya'