Carlo Nicoli

Monumento ni Garibaldi ginibo ni Nicoli

Si Carlo Nicoli (4 Oktobre 1843 - 2 Nobyembre 1915) sarong Italyanong iskultor taga- Carrara, Italya, na iyo an nanggana sa pagdesenyo kan Monumento ni Rizal na soboot ikakaag sa Bagumbayan (ngonyan Luneta Park na). Siya tinawan premyong halagang Php 5,000.00 asin an nagbarali sa kompetisyon nagbilang nin 40 katawo. An saiyang desenyo pigtitulohan niyang "Al Martir de Bagumbayan".

An desenyo maluwas sa tunay na langkaw, 18 metro na may pedestal na 12 an lakbang. Hanggan ngonyan an saiyang Workshop nagooperar pa asin pinapadalagan kan saiyang direktang tagamana na si Dr. Alix Nicoli.

Alagad, sa totoo lang, an desenyo ni Nicoli dai man nasunod. An kontrata sa paggibo kan Monumento napadagos ki Richard Kissling, sarong Swekong iskultor asin iyo an nagsegunda ki Nicoli. Sarabi dai daa kaya nagtunga si Nicoli kan aldaw na mapirirmahan na kan kontrata asin an iba nagsasabi na dai nakabugtak nin hustong deposito (performance bond) na Php 20,000 para sa trabaho bilang garantiya. May saro pang istorya na an quotation ni Kissling mas hababa daa ki Nicoli. Si Nicoli nagsangat nin reklamo sa Korte alagad dai naman aram kun anong ibinunga kaini.

Alagad, an tunay na istorya sabi ni historyador Propesor Jose torres, marmol an materyal sa desenyo ni Nicoli na mahale pang Italya pero palibhasa sobrang mamahal asin labaw nang marhay sa pigtagamang pundo, si Nicoli napiritan mag'atras.

Galeriya nin mga rebulto asin monumento nahaman ni Nicoli

• Alcune opere di Carlo Nicoli
• 
  Estatuwa ni Cervantes sa plasa ni Alcalà de Henares (1876)
• 
  Si Cervantes nakatukaw (1878)
• 
  El Empecinado (Juan Martín Díez) (1880)
• 
  Francisco Jiménez de Cisneros (1881)
• 
  Monumento ni Caboclo a Salvador de Bahia