Cathy Linh Che

Cathy Linh Che
Che at The Ace Hotel, May 2019
Nasyunalidad	American
Alma mater	New York University
Mga bantog na gawad	Kundiman prize

Si Cathy Linh Che sarong Vietnamese American na pararawitdawit sa Los Angeles. Nanggana siya nin Kundiman Poetry Prize, Norma Farber First Book Award hali sa Poetry Society of America, asin an Best Poetry Book Award hali sa Association for Asian American Studies para sa saiyang libro na Split.

Buhay

Si Che nagtapos kan saiyang pag-adal sa Reed College asin New York University kun sain natapos niya an kursong Bachelor of Arts asin Master of Fine Arts. Sa sarong interview na ginibo kan Emerson College, sinabi ni Che na "pinadakula ako sa Highland Park sarong komunidad kun hain an mga trabahador kan mga Asyano asin Latino na imigrante. Kan ako yao duman, kadakol bagay na nangyari samo asin sa sakong mga magurang, sarong bagay na naekperyensiya kan kadaklan kaya dae ko namatian na iba ako sainda o solo ako hasta sa mag kolehiyo na ako.

Kan 2018, nagtabang siya sa pag-organisar kan proyektong Kundiman na "Because We Come From Everything". Nagpartisipar siya sa digital na proyekto na "Poetics of Haunting," na pig-curate ni Jane Wong .

Karera sa pagsurat

Kan hinapot sa sarong interbyu sa Emerson College kun ano an nagdara ki Cathy Linh Che sa rawitdawit, si Che nagsimbag na nagsasabi: "Kaipuhan kong sabihon na an sakuyang mga magurang an nagdara sako sa rawitdawit. Dawa ngani mayo sa sainda an sarong pararawitdawit, an sakuyang padakula pano kan saindang mga istorya. Mantang nagtutukaw sa lamesa sa pamanggihan, an sakuyang mga magurang nag-iistorya sako manungod sa saindang buhay sa panahon kan Gera sa Vietnam, kan saindang pailihan sa Estados Unidos kan enot na taon ninda duman. Nagpoon akong magsurat, an saindang mga boses naghahagad na isaysa. Dai ko maiwasan na mahiling an saindang mga istorya bilang pundamental na parte kan sadiri ko."

Si Che iyo an Executive Director sa Kundiman .

An pinakamidbid na obra ni Che gikan sa sarong libro na inaapod na Split, "na igwa nin mga rawitdawit manungod sa sikolohikal, sekswal, asin abusadong epekto kan gera."

Mga Premyo

An Cathy Linh Che sarong Vietnamese Amerikanong poeta na taga Los Angeles. Ginana niya an premyong Kundiman Poetry, the Norma Farber First Book Award hali sa Poetry Society of America, asin Best Pary Books Award gikan sa Association for Asian American Studies.[1] para sa saiyang librong Split.

Mga gibo

• Laren McClung; Yusef Komunyakaa (eds) Inheriting the war : poetry and prose by descendants of Vietnam veterans and refugees, New York : W.W. Norton & Company, 2018. ISBN 9780393354287ISBN 9780393354287,  

Mga Antolohiya

• Split, Alice James Books, 2014.
• Hair : poems: a collection of cuts and ties, Reed College, 2002.  
• Split, Chestertown, Maryland: Literary House Press, 2016.  OCLC 993260020

Cathy Linh Che
Che at The Ace Hotel, May 2019
Nasyunalidad	American
Alma mater	New York University
Mga bantog na gawad	Kundiman prize