Champon
 Original Shikairō Champon | |
| Klase | Noodle soup |
|---|---|
| Ginikanang lugar | China (original)[nangangaipo nin toltolan] Japan (introduced)[nangangaipo nin toltolan] |
| Rehiyon o istado | Nagasaki |
| Pig-aasosyar na nasyunal na lutoon nasyunal l na lutuon | Japanese Chinese cuisine |
| Ginibo ni | Chinese restaurant in Nagasaki[1] |
| Pangenot na sahog | ramen noodles, fried pork, seafood, and vegetables |
.jpg)
Champon (ちゃんぽん, Chanpon), asin bistado man bilang Chanpon, sarong noodle na luto bilang regional cuisine kanNagasaki, Japan. Igwa nin iba't-ibang klase sa Japan, Korea and China. Ang luto na ini kinua sa Chinese cuisine.
An champon ginigibo sa paagi nin pagprito nin karneng orig, laman dagat asin mga gulay na may lana; sabaw na gibo sa manok asin piglalagan nin tulang ning orig. An mga pansit na ramen na gibo para sa champon idinadagdag dangan pinapakuluan. Bakong arog kan ibang mga putaheng ramen, sarong kawali sana an kaipuhan ta an mga pansit pigluluto sa sabaw. Depende sa panahon asin sa sitwasyon, an mga sangkap magkakalaen. Kaya an namit asin estilo pwedeng magdepende sa lokasyon asin panahon kan taon. [ <span title="This claim needs references to reliable sources. (October 2015)">kaipuhan an sitasyon</span> ]
Dawa ngani an Nagasaki Champon iyo an pinaka bistado, igwa pang ibang mga iba ibang klase na makukua sa Japan. An Ankake no Champon sarong soy-sauce na klase na makukua sa Tottori, Shimane Prefectures, siring man sa syudad nin Amagasaki sa Hyōgo Prefecture . Sa siyudad nin Akita, sarong bersyon na may sabaw nin miso an pigsisirbe, kaiba an sopas na pano sa mangkok na haros sagkod sa punto na mag-umbaw na.
Sa Okinawa, an Champon sarong putaheng bagas kun saen an manlaen-laen na gulay, manipis na giniris na karne (orig, luncheon meat o corned beef) asin pig prito na sugok piglalaag sa ibabaw kan bagas. An Korean Jjamppong sarong kaparehong putaheng pansit na may maharang na sabaw nin seafood, na may kaparehong ginikanan bilang parte kan lutong Koreanong Intsik .
Ginikanan
[baguhon | baguhon an source]
An Champon ginibo kan huring parte kan ika-19 siglo kan imigranteng Intsik na si Chen Ping Shun (1873-1939) na gikan sa Fuqing, sarong syudad na nasa irarom kan hurisdiksyon kan Fuzhou, an kabisera kan probinsya nin Fujian . Enot ining pigserbi kan Shikairō (四海楼, Four Seas House) , sarong restawran na Intsik na itinindog sa Nagasaki kan 1899. Hali sa website kan restawran, ini nakabase sa sarong putahe sa lutong Fujian, "tang rousi mian" (湯肉絲麵), na mas bistado bilang rousi tangmian (肉丝汤面). Alagad, an nagkapira nagduda sa pag ako na ini nin huli ta an rousi tangmian bakong hale sa Fujian kundi sa Jiangnan . Dangan pa, an champon igwa nin mas dakulang pagkakaagid sa Gangtou menmian (港頭燜麵), sarong putaheng tubo ning Fuqing, kisa sa rousi tangmian.
An mayoriya kan populasyon kan mga Intsik sa Nagasaki Chinatown gikan sa Fujian . Sa tahaw kan panahon kan Meiji (huring parte kan ika-19 siglo – amay na ika-20 siglo), nahiling kan may kasadiri an pangangaipo para sa barato, nakakabasog na kakanon na angay sa mga panlasa kan ginatos na mga estudyanteng Intsik na nagduman sa Japan para mag eskwela. Ngonyan na panahon an champon sarong popular na espesyal na kakanon (o meibutsu ) kan Nagasaki.
Etimolohiya
[baguhon | baguhon an source]Igwa nin nagkapirang teorya manungod sa ginikanan kan tataramon na champon . An sarong teorya na ini gikan sa tataramon na Hokkien na chia̍h-pn̄g (食飯), na an boot sabihon "magkakan nin pagkakan", na pwedeng magkaigo sa kahulugan kan "sarong masustansiyang putaheng pansit na gibo sa pinaghalo-halong sangkap". An saro pang teorya na an tataramon na ini kinua sa tataramon na campur hali sa Indones, na an boot sabihon "halo" (hilingon an Nasi campur, sarong putaheng Javanese ), na mabagay sa lumang kahulugan kan termino na "mixed together".
An orihinal na kahulugan kan "mixed together" nagluwas sa mga teksto kan kabangaan kan dekada 1700. [2] An ibang mga diksyunaryong Hapon nagsusubaybay kaini sa terminong Intsik 攙和("maghalo"), [2] [3] [4] pig babasa bilang chham-hô sa modernong Min-Nan asin bilang chānhuò sa modernong Mandarin .
An paggamit sa pagsambit kan mga kakanon nagluwas poon kan huring parte kan ika-19 siglo sagkod sa amay na ika-20 siglo, naggigikan sa restawran na Intsik na Shikairō sa Nagasaki. [5]
Mga Reperensya
[baguhon | baguhon an source]- ↑ ちゃんぽんの由来 (Chanpon no Yurai, “The Origins of Chanpon”) (in Japanese) Archived 2007-05-01 at the Wayback Machine.. Official website of the Shikairō Restaurant
- 1 2 1988, 国語大辞典（新装版） (Kokugo Dai Jiten, Revised Edition) (in Japanese), Tōkyō: Shogakukan, entry available online here
- ↑ 1995, 大辞泉 (Daijisen) (in Japanese), Tōkyō: Shogakukan, ISBN 4-09-501211-0
- ↑ 1997, 新明解国語辞典 (Shin Meikai kokugo jiten), Fifth Edition (in Japanese), Tōkyō: Sanseidō, ISBN 4-385-13143-0
- ↑ Entry in the 日本の郷土料理がわかる辞典 (Nihon no Kyōdo Ryōri ga Wakaru Jiten, “Dictionary for Understanding Japanese Home-town Cooking”; in Japanese)