Charity Adams Earley

 

Si Charity Adams Earley ( née Adams ; Disyembre 5, 1918 – Enero 13, 2002) sarong opisyal kan Hokbo kan Estados Unidos. Siya an pinakaenot na babaeng Aprikano-Amerikano na nagin opisyal sa Women's Army Auxiliary Corps (na huri WACs) o inaapod na Women's Army Corps asin siya an namamayo kan 6888th Central Postal Directory Battalion, na binibilog nin mga babaeng Aprikano-Amerikano na nagserbi sa ibang nasyon kan Ikaduwang Gerang Pankinaban. Si Adams iyo an may pinakahalangkaw na ranggo sa mga babaeng Aprikano-Amerikano sa hukbo kan matapos an gera.

Sarong monumento na nagtataong onra saiya an pigdedikar sa Fort Lee (siring sa apod kaini kaidto), Virginia kan Nobyembre ika-30 taong 2018. An base poon kaidto pigngaranan na Fort Gregg-Adams bilang pag-onra ki Earley asin Lieutenant General Arthur J. Gregg kan 2023, an pinakaenot na base militar kan Estados Unidos na may mga pangaran nin mga Aprikanong Amerikano.

Siya pigladawan ni Kerry Washington bilang pangenot na karakter sa pelikulang The Six Triple Eight kan 2024 na nagpapahiling kan eksperyensya kan 6888th Central Postal Directory Battalion durante kan saindang serbisyo sa Europa.