Cheetah

An cheetah (Acinonyx jubatus) sarong dakulang pusa asin an pinakamarikas na hayop sa daga. Igwa ining tawny sagkod kremadong puti o maluspad na buff na balahibo na may markang pantay-pantay an distansya, solidong itom na mga laad. An payo sadit asin bilog, may halipot na nguso asin itom na garo luha na mga guhit sa lalawgon. Ini minaabot nin 67-94 cm (26-37 pulgada) sa abaga, asin an laba kan payo-asin-hawak nasa pag'oltan nin 1.1 asin 1.5 m (3 piye 7 pulgada asin 4 piye 11 pulgada). An mga adulto nagtitimbang sa pag'oltan nin 21 asin 65 kg (46 asin 143 lb). An cheetah kayang magdalagan sa rikas na 93 sagkod 104 km/h (58 sagkod 65 mph); ini nagkaigwa nin mga espesyalisadong adaptasyon para sa rikas, kabali an sarong magaan na hawak, halawig na manipis na mga tabay asin halawig na ikog.