Chieko Takamura

Si Chieko Takamura (高村智恵子, Takamura Chieko; Mayo 20, 1886 – Oktubre 5, 1938) sarong artistang Hapon.

Biograpiya

Si Chieko Takamura ipinangaki sa banwaan nin Adachi na syudad ngunyan nin Nihonmatsu, Prepektura nin Fukushima bilang si Chieko Naganuma, an pinakamatua sa anum na aking babaye asin duwang aking lalaki.

Kan 1903, nagduman siya sa Japan Women's University sa Tokyo, asin naggradwar kan 1907. Nagin syang pintor sa lana, asin naggibo nin makolor na mga papercut. Saro sya sa enot na mga myembro kan hiro-hirong peministang Hapon na Seitōsha, na nag-ayon kan 1911. Siya an naggibo kan ilustrasyon sa takop para sa enot na isyu kan saindang magasin, an " Seitō ". Nagpoon ini bilang sarong literaryong agihan para sa mga babayeng parasurat asin marikas na nagin sarong forum para sa pag-urulay kan mga isyung peminista. An mga babayeng ini gikan sa halangkaw na tahaw na klase kan sosyedad asin dai nahaloy inapod na "Bagong Babaye" huli sa saindang mga pananaw asin estilo nin pamumuhay. Kan Pebrero 1914, inagom nya si Kōtarō Takamura, sarong eskultor asin pararawitdawit, na nabisto nya dai nahaloy pagkatapos na nagbalik sya hale sa Pransya.

Kasunod kan pagkaraot kan harong kan saiyang pamilya kan 1929, nadiagnose sya kan 1931 na may mga sintomas nin schizophrenia – naospital sya huli sa helang na idto kan 1935, asin nagdanay duman sagkod na siya nagadan huli sa tuberkulosis kan 1938.

An libro nin mga rawitdawit ni Kōtarō manungod saiya, ''Chieko's Sky'' (智恵子抄, Chieko-shō; literal na "Selections of Chieko), lakop pa man giraray na hinahangaan asin binabasa sagkod ngunyan. An dinakitaramon na titulo, "Chieko's Sky", hale sa saro sa mga rawitdawit, "Childlike story" (あどけない話, Adokenai hanashi) , kun saen si Chieko nagmamawot kan kalangitan kan saiyang pagkaaki.

Hilingon man

Retrato ni Chieko

Susugan

Birnbaum, Phyllis (January 22, 2015). Modern Girls, Shining Stars, the Skies of Tokyo: Five Japanese Women. Columbia University Press. ISBN 9780231500029.