Chihiro Amano
Chihiro Amano (天野千尋, Amano Chihiro) Siya sarong Hapon na film direktor asin screenwriter.
Si Amano namundag kan Hulyo 30, 1982. Pagtapos kan limang taon na pagtrabaho niya sa kinaban nin korporasyon, si Amano buminalik sa pelikula asin siya nagdebut sa dosmilnuebe (2009) Sayonara Muffler na ipinahiling sa Cineastes Organization Osaka EX asin sa iba pang mga festival. An saiyang pangaduwang pelikula na Cast the Die! nakipagkumpetensya sa dosmildyes (2010) PIA Film Festival. An pelikula ni Amano kan taong dosmilonse (2011) na Snipping Girl nagkaigwa kan si saiyang internasyonal na premiere sa ika-dose sa Japan Filmfest Hamburg kan Mayo dosmilonse asin nakipagkumpetensya sa dosmilonse PIA Film Festival.
Kan taong dosmildose, pigpaluwas niya an halipot na The Confessions of Figaro manungod sa apat na junior high school na mga aking lalaki na usyosero manungod sa sekso. Nanggana an pelikula nin Grand Prize Award asin kan Audience Award sa Shitamachi Comedy Film Festival sa Tokyo asin kan Runner-up Prize sa dosmildose (2012) Aichi International Women's Film Festival. [1] Ipinasali man ini sa ika-kinseng Internasyonal na Piyesta nin Pelikula kan mga Babaye sa Seoul, South Korea. [1] An dosmildose (2012) na halipot na pantasya ni Amano na Neverland sa Gamagori manungod sa pakikipagsapalaran kan sarong onse anyos na aking lalaki nagdebut sa ika-apat na Okinawa International Movie Festival .
An saiyang dosmiltrese na pelikula na nagpapahiling nin sarong drama sa pamilya, All Is Vanity, na ipinahiling sa Yubari Internasyonal Fantastic Film Festival .
Si Amano saro sa mga nagkapirang babayeng direktor sa Hapon. Sa sarong interbyu kan taong dosmildose (2012), sinabi niya na pigkaipuhan niyang magkua nin part-time na trabaho ngarig masuportahan an saiyang paggibo nin pelikula alagad an saiyang "Pagmamaigot na mag-abante sa propesyonal" iyo an posibleng pinakamarhay na paraan ngarig "magbukas nin dalan para sa mas dakol na babayeng direktor sa Hapon." Si Amano nagdebut sa komersyal na pelikula sa Mayo dosmilkatorse (2014) na No Touching At All base sa manga na " boys' love " ni Kou Yoneda na may parehas na ngaran.