Chiranan Pitpreecha
Si Čhiranan Pitpreecha (namundag kan 1955) sarong pararawitdawit asin peministang Thai. Sa laog nin pirang taon, Čhiranan Prasertkul an saiyang pangaran kan siya kinasal. An saiyang apelyido minalataw man bilang Phitprīchā . Siya sarong resipyente kan SEA Write Award.
Biograpiya
[baguhon | baguhon an source]An aking babae nin sarong kagsadiri nin tindahan nin libro, namundag siya sa probinsya nin Trang. Si Pitpreecha an sarong prominenteng aktibistang estudyante kan 1973 na popular na pag'alsa kan Thailand; kasunod kan masaker sa Thammasat University kan Oktubre 1976, nagdulag siya pasiring sa kadlagan asin nag'ayon sa Partido Komunista kan Thailand. Nagbalik si Pitpreecha sa Bangkok kan 1981. Kaiba siSeksan Prasertkul, an saiyang agom, nagduman siya sa Estados Unidos, kun saen nakakua siya nin BA asin MA sa kasaysayan gikan sa Cornell University. Kan nakabalik na siya sa Thailand, nasuway siya sa saiyang agom. [1] [2]
An rawitdawit ni Pitpreecha na "Cracked Pebble" nakaresibe nin premyo para sa pinakamarahay na rawitdawit kan 1981 gikan sa PEN International Thailand. Nagsurat siya nin manlaen-laen na obra, kabali an rawitdawit, kasaysayan, mga artikulo sa pagbiyahe, asin komentaryo sosyal, para sa manlaen-laen na publikasyon sa Thailand. An saiyang enot na koleksyon nin mga rawitdawit, an Bai Mai Ti Hai Pai (An Nawawarang Dahon) nag-ako kan S.E.A. Write Award kan 1989. Kan 1992, an saiyang rawitdawit na "First Rain" pinangaranan na pinakamarahay na rawitdawit kan taon kan PEN International Thailand. Kan 2011, siya pigngaranan na saro sa 65 pinaka-impluwensyal na babae sa Thailand. [1]
An saiyang obra naitradusir sa Ingles, Pranses, Aleman, Ruso, [3] Hapon, asin Malay. [4]
Mga Reperensya
[baguhon | baguhon an source]- ↑ 1.0 1.1 Fry, Gerald W; Nieminen, Gayla S; Smith, Harold E (2013). Historical Dictionary of Thailand. p. 105. ISBN 978-0810875258.
- ↑ Miller, Jane Eldridge (2001). Who's who in Contemporary Women's Writing. p. 62. ISBN 0415159806.
- ↑ "Тиранан Пхитприча. Гордость цветов / จิระนันท์ พิตรปรีชา. อหังการของดอกไม้ (4 ноября 1973)". syg.ma. Retrieved 2017-06-12.
- ↑ "Chiranan Pitpreecha (Thailand, 1955)". Festival Internacional de Poesía de Medellín.