Bichara Cinema
An Bichara Cinema (dating Cine Bichara) iyo an saro sa 32 na sinehan sa Syudad nin Naga asin sa ibang banwaan kan Camarines Sur na pinundar kan mag-agom na si Victor asin Emily Bichara, orihinalmente pagporoon kabakas an tugang na si Miguel. An Cine Bichara iyo an pinakainot na natugdas kan taon 1923[1]. Huli kan pag-abante kan teknolohiya, nagluya na an pagrusô kan mga paradalan sa mga sinehan asin napiritan an pamilya Bichara na magluwayluway pondohon na an negosyong sinehan. Malà ta an Bichara Cinema na sana an natatadâ igdi sa laog kan Syudad nin Naga asin pigsara na an mga sinehan sa ibang banwaan kan Camarines Sur.
An mga edipisyo na dating mga sinehan haros pigbarago na an desensyo tanganing pwedeng arkilahan nin mga tindahan, restawran asin iba pang mga negosyo. An Bichara Commercial Complex Calabanga na yaon mismo sa sentro kan Calabanga, Camarines Sur iyo an saro sa pinaghirang edipisyo ngane makalapag sa kawat kan pagbabago nin teknolohiya na nagriripike nin kagadanan sa industriya nin sine.
Totoo, kan taon 2013 sa kategoryang "Mga lokal na korporasyon" an Bichara and Sons, Inc. nag'ika-18 pa man sa pinakahalangkaw magbayad nin buhis igdi sa Siyudad nin Naga.[2][3]
Mga panluwas na takod[baguhon | baguhon an source]
- http://enteng-bulagting.blogspot.com/2010/06/falling-faster-than-flies.html Kinua 04-07-13
- http://www.blgf.gov.ph/downloads/opinion/rpt/2003/Bichara.pdf Archived 2009-01-26 at the Wayback Machine. Kinua 04-07-13
Basaha man[baguhon | baguhon an source]
Toltolan[baguhon | baguhon an source]
- ↑ Emily : a biography of Dona Emily Panayotti Bichara Archived 2019-03-21 at the Wayback Machine. by Aureus, Teresa Ojeda. Naga City : Megapoint Printhaus, 1996. Archived 2019-03-21 at the Wayback Machine.
- ↑ http://issuu.com/city-of-naga/docs/naga_smiles_magazine/26
- ↑ http://naga.gov.ph/naga-smiles-2/naga-city%E2%80%99s-top-taxpayers-in-2013/ Archived 2016-03-22 at the Wayback Machine. Kinua 23-05-214
