Constancio Bernardo

Sa Pangaran na Pilipino, an tahaw na ngaran o maternal na pangaran nin pamilya iyo an Anastacio dangan an apelyido o paternal na pangaran nin pamilya iyo an Bernardo.

Constancio Bernardo
Websityo
www.constanciobernardo.com

Si Constancio Bernardo (22 Disyembre 1913 - 8 Agosto 2003) sarong Filipinong parapintor asin paratukdo. Bisto siya sa paggibo kan pinakaenot na mga makabagong heometrikong abstraktong pagpintar sa Filipinas sagkod sa Sur-subangan na Asya .

Amay na buhay asin edukasyon

Si Bernardo ipinangaki kan 22 Disyembre 1913, sa Obando, Bulacan, sa Filipinas na inookupahan kan mga Amerikano. An saiya mga ginikanan si Pedro Ma. Bernardo asin si Cecilia Anastacio. Siya nag-adal sa Obando Elementary School kan taon 1920 hanggang 1925. Kan 1929, siya naglipat sa Manila West, na iyo na ngonyan an Florentino Torres High School sa Tondo, Manila, asin natapos an saiyang sekundaryang pag-adal kan 1933. SIya nakakua nin Bachelor of Fine Arts degree sa Unibersidad kan Pilipinas kan 1948. Siya sarong estudyante ni Pablo asin Fernando Amarsolo sa University of the Philippines School of Fine Arts bago an Ikaduwang Gerang Pankinaban. SIya nakakua man nin ikaduwang Bachelor of Fine arts kan 1951 asin sarong Master of Fine Arts degree kan 1952 sa Yale School of Art bilang sarong Fulbright Scholar. Mantang yaon sa Yale, siya pig-mentor ni Josef Albers na iyo an nag-pabisto saiya sa mga makabagong eksperimentong kulay, mga teknika sa pagtukdo asin geometric abstract painting. Nagkua man siya nin mga klase sa irarom ni Willem de Kooning asin Edwin Savage.

Trabaho

Si Bernardo iyo an paksa kan tolong panginot na pag-girumdom sa nakaagi; an enot kan 1979 sa Museum of Philippine Art, an ikaduwa, kan 2013 sa Ayala Museum mantang kan sentenaryo kan saiyang pagkatawo asin an ikatolo, sa Cultural Center of the Philippines kan 2014. Uyon sa art critic na si Alice Guillermo, si Bernardo iyo an "saro sa mga pinakaenot asin pinaka alinsunod na naglaladawan nin abstrakto sa Filipinas". Nagsurat siya sa CCP Encyclopedia of Art na si Bernardo nagtrabaho sa serye, "na pinagsasaro an heometrismo asin pagsiksik nin kolor sa mga grupo nin trabaho arog kan serye kan Bernard, an serye kan Rhapsody Square, asin an serye kan Wildflower." Si Bernardo sarong paratukdo nin Fine Arts sa UP College of Fine Arts poon 1948 hasta 1978.

Mga Reperensya

Dalisay, Butch (25 November 2013). "Constancio Bernardo, the forgotten master". philstar.com (in English). Retrieved 21 March 2021.  Lippi, Filipina (2 October 2014). "Celebrating Constancio Bernardo, foremost abstract artist of the Philippines". gmanetwork.com (in English). Retrieved 21 March 2021.  Flores, Patrick. "In the Defiles of Abstraction". CORE (in English). Retrieved 6 February 2021.  Chikiamco, Clarissa. "Into the Light: Constancio Bernardo and Bernardian Synthesis No. 1". inquirer.net (in English). Retrieved 6 February 2018.  "Philippine Abstract Art" (PDF). Asia Art Archive (in English). Retrieved 6 February 2018.  Cristobal, Geronimo (14 April 2021). Bauhaus in the Boondocks: The Modernist Lore of Constancio Bernardo. Broadcast. p. 120. ISBN 978-1-6671-5911-9.  Evangelista, Carina (18 May 2017). Constancio Bernardo. Soumak. p. 144. ISBN 978-971-94920-1-6.  Bernardo, Angelo (21 March 2016). A Life in Sketches. Soumak. Archived from the original on 19 December 2024. Retrieved 16 March 2026. 

Dacanay, Barbara. "Constancio Bernardo, stalwart of Philippines abstract art, 89" (in en). https://news.google.com/newspapers?id=tkRaAAAAIBAJ&sjid=ZSUMAAAAIBAJ&pg=947%2C15892132.  Guillermo, Alice (3 December 1994). "Japan Foundation Symposium" (PDF) (in English). Retrieved 6 February 2021. 

Guillermo, Alice (3 December 2013). "Frisson" (PDF) (in English). Retrieved 21 February 2021.