Consuelo "Chito" Madrigal Foundation

An Consuelo "Chito" Madrigal Foundation sarong foundation an katuyohan makatabang sa pagpagantad kan buhay kan mga tios na pamilyang Filipino. Ini tinogdas kan Hulyo 11, 1997 ni Doña Consuelo Chito Madrigal, sarong distinguidong banker asin pilantropo. An pilosopiya kan CCMF iyo na an pilantropiya dapat may mamuknang produksyon asin an pagmamaherak dapat makamukna nin kakayahan sa mga dukha.

An hunta nin mga direktor pinamamayohan mismo ni Doña Consuelo Chito Madrigal asin an Nagpapalakaw na Pamayo iyo si Ms. Anna Maria M. Gonzales. An pondo kan foundation hale haros sa kaban kan yaman ni Doña Consuelo Chito Madrigal dawa totoo nag'aako nin katampad na pondo para sa mga proyekto hale sa ibang mga pilantropo, mga amigo, organisasyon asin mga indibidual.

Ini igwa man nin CCMF-Bikol na pigmukna sa tuyong maha'was sa pagtios an mga pamilya sa rehiyon Bicol ta susog sa estadistika ini an ikatolong pinakatios na rona sa bilog na nasyon. Dakula an interes ni Doña Chito sa Bikol ta an ama niyang si Don Vicente Madrigal namundag sa Ligao, Albay.