Daguldol sa Irarom kan Alitoktok

Thunderstorm Beneath the Summit (Japanese: 山下白雨, Hepburn: Sanka hakuu)bisto sa apod na Rainstorm Beneath the Summit,o kaya minsan Black Fuji (黒富士 Kurofuji)sarong woodcut print ni Hokusai (1760–1849), maestro kan Japanese ukiyo-e. Ini saro sa pinakabistong print sa saiyang bantog na seryeng Thirty-six Views of Mount Fuji, na tigpublikar kadtong 1830–1832.

Deskripsiyon

An komposisyon halos kapareho kan sa Fine Wind, Clear Morning (o Red Fuji) na sakop man kan parehong serye, pero may pagkakaiba an atmosfera.  Imbes na malinumdom asin malinaw na tanaw, an Mount Fuji pinahiling na garo nakakabahala sa malalangkaw asin lataw na mga kolor. An mga kurba kan parte kan bundok mas pinalangkaw asin klaradong klarado. An maputing tuktok bigla na nagtataas sa babaw kan madulom asin makatatakot an base na nabahag nin sarong kilat na pinapakita gamit an mabaskog, halos abstract na pa-zigzag na mga linya. Pareho man sa Fine Wind, Clear Morning, may manipis na linya nin Prussian blue sa itaas na parte kan kalangitan, pero ngonian an mga dapog garo bagang aso an itsura asin nakapalibot an kabundukan. An tulo na pulong sa ibabaw kun baga nagsasabi na ini an tanawonna parte kan Fuji (halimbawa, nakalihis sa solnopan), na iba pa man sa Red Fuji.

Mga Impresyon

Dai nahaloy pagkatapos kan publikasyon an mga bloke medyo naraot sa pagkawara kan saro sa mga kayumanggihon na tuldok sa ibaba kan alitoktok asin an katapusan kan 'hitsu' ('brush of') na karakter gikan sa istilo ni Hokusai. An mga impresyon na ginibo bago kaini igwa nin "padagos na asul sa kalangitan, na pinahid na mas maliwanag sa tahaw, kaya naglilinaw kan bilog na mga porma kan mga panganoron na cumulonimbus, imbes na magwalat nin mahiwas na banda nin daing tinta na kalangitan sa sentro asin sa siring nawawara an saindang mga alitoktok."

Sa sarong huri na impresyon an parahayag nag-introdusir nin nagkapirang mahalagang pagbabago. An kalangitan ngonyan pigrerender sa kolor lilang abohon na may sarong banda nin giyaw sa itaas. An pagpahiling kan kikilat malinaw na nagpapahiling nin sarong grupo nin mga kahoy na pino sa pamitisan kan bukid, na pinutol hale sa sarong bagong bloke, na nagpapahiling na harani sa paradalan.