Detective Conan

Case Closed , midbid man bilang Detective Conan (名探偵コナン, Meitantei Konan; lit. Great Detective Conan) , sarung serye nin manga sa Hapon na isinurat asin pig-ilustrar ni Gosho Aoyama . Ini pig-serialize sa Shogakukan's shonen manga magasin Weekly Shonen sunday poon pa kan Enero 1994; an mga kapitulo kaini nakolekta sa 107 na mga tankōbon volumes kan Abril 2025. Huli sa mga legal na problema sa pangaran na Detective Conan, an Ingles na pagluwas pigngaranan na Case Closed . An istorya minasunod sa detektib sa hayskul na si Shinichi Kudo, na an hawak pigbago sa sarung aki na nasa edad na elementarya mantang nag-iimbestigar nin sarung misteryosong organisasyon. Sa pangkagabsan, nareresolberan nya an kadakol na kaso sa paagi nin pagsaginsagin bilang ama kan saiyang pinakamarahay na katood kan siya aki pa asin manlaen-laen na iba pang mga karakter.

An Case Closed lisensyado para sa Ingles na pagluwas sa North America kan Viz Media, na nagpublikar kan manga sa imprenta poon pa kan Setyembre 2004. Ini man nagpublikar kan serye sa Ingles sa Viz Manga digital manga service, na an mga kapitulo kan serye nag-aako nin sabay na pagpublikar sa ingles sa North America mantang sinda pigluluwas sa Hapon. Ini pig-adaptar sa sarung anime na serye sa telebisyon na pigprodusir kan Yomiuri Telecasting Corporation asin TMS Entertainment, na nagpoon na magbrodkas kan Enero 1996.

An mga tankōbon volume kan manga igwa nin labing 270 milyon na kopya sa bilog na kinaban kan Enero 2023, na nagin dahilan nganing maging saru ini sa best-selling manga na serye sa gabos na panahon. Kan 2001, an manga nagawadan kan ika-46 na Shogakukan Manga Award sa kategoryang shōnen . An adaptasyon kan anime naresibe na marhay asin nagranggo sa top 20 sa' Animage sa pag'oltan kan 1996 asin 2001. Sa ranggo kan mga anime sa telebisyon kan Hapon, an mga episode kan Case Closed naranggo sa top 6 kada semana. Parehong an manga asin an anime nagkaigwa nin positibong komento gikan sa mga kritiko para sa saindang istorya asin mga kaso. An manga naipabakal na sa 25 nasyon, mantang an anime naibrodkast na sa 40 nasyon.

Istorya

Si Jimmy Kudo (pangaran sa Hapon: Shinichi Kudo) sarung detektib sa hayskul na minsan nagtatrabaho sa pulis tanganing masolusyunan an mga kaso. Sa sarung imbestigasyon, sya pig-ambush asin pigpaluya kan sarung miyembro kan sindikato na bisto bilang Black Organization . Sa pagprobar na gadanon an hoben na detektib, pirit nindang pinakakan sya nin sarung peligrosong eksperimentong droga. Alagad, imbes na magadan sya, pinasadit kaini an saiyang hawak sagkod sa kadakulaan kan sarung aki sa elementarya. Na nagkaugwa kan alyas na Conan Edogawa asin pigtatago an saiyang tunay na pagkatawo, si Kudo nakaistar kaiba an saiyang katood kan siya aki pa na si Rachel Moore (Ran Mori) asin an saiyang ama, si Richard (Kogoro Mori), na sarung pribadong detektib. Sa bilog na serye, pig-aatender nya an mga kaso ni Richard. Pagkatapos na masolusyunan ni Kudo, ginamit nya an natatagong pampaturog ni Dr. Agasa tanganing paturugon si Richard dangan ginagamit an sarung parabago nin boses tanganing i-simulate an saiyang boses tanganing isawod an solusyon. Nag-enrol man sya sa Teitan Elementary School, kun sain nakipag-amigo siya sa sarung grupo nin mga kaklase na nagbilog kan saindang sadiring Junior Detective League (Detective Boys). Mantang padagos syang nagkukutkot nin mas hararom tungkol sa Black Organization, parati syang nakikipag-ulay sa ibang mga karakter, kaiba an saiyang kataraid, si Dr. Agasa; An amigo ni Ran na si Serena Sebastian (Sonoko Suzuki); sarung kapwa tin-edyer na detektib, si Harley Hartwell (Heiji Hattori); manlaen-laen na mga detektib kan pulis hale sa manlaen-laen na rehiyon; asin sarung phantom na parahabon na inaapod na Kaito Kid .

Si Kudo nakabisto nin sarung transferee sa elementary school, si Anita Hailey (Ai Haibara), na nagbunyag kan saiyang sadiri na sarung dating miyembro kan Black Organization sa irarom kan code name na Sherry asin an kagmukna kan eksperimentong bulong na nagpasadit saiya. Sya man nag-inom kaini tanganing makalikay sa paghanap kan organisasyon. Dai nahaloy nag-ayon siya sa Junior Detectives. Sa sarung engkwentro sa Black Organization, tinabangan ni Conan an FBI na magbugtak nin sarong ahente kan CIA, si Kir, sa laog kan Black Organization bilang sarung espiya.

Produksyon

An Case Closed naisip kan 1994 sa panahon kan paglataw kan mystery genre nin manga huli sa pagpublikar kan seryeng The Kindaichi Case Files ; an enot na kapitulo nagluwas sa Shogakukan 's Weekly Shōnen Sunday kan Enero 5. Si Aoyama nagsambit kan mga istorya ni Arsène Lupin, Sherlock Holmes asin an mga pelikula nin samurai ni Akira Kurosawa bilang mga impluwensya sa saiyang obra. Kan nag-iiskrip kan lambang kapitulo, sinisiguro nya na an dayalogo nagdadanay na simple asin naggagamit nin apat na oras para sa kada bagong kaso asin dose para sa mas komplikadong mga kaso. An matuang tugang na lalaki ni Aoyama sarung siyentipiko na nagtatabang saiya sa mga "gimik" sa serye. An kada kaso minasakop nin nagkapirang kapitulo (pwera sa nagkapirang mas halipot na kaso na minasakop sana nin saru) asin nareresolberan sa katapusan, kun an mga karakter nagpapaliwanag kan mga detalye kan saindang mga solusyon sa simpleng mga termino. Sarung online database kan gabos na kaso gikan sa manga an piglansar kan 2007. Kan 2007, si Aoyama nagpahiling na sya nagplano nin sarung katapusan alagad dai pa niya intensyon na tapuson an serye. Si Aoyama asin an saiyang mga tawohan nagdesisyon na i-computerize an saindang proseso nin paggibo nin manga kan early 2011, dawa ngani sya nagdudurodrowing pa man giraray gamit an bolpen asin papel. An pagbabago nagpoon sa huring pahina kan kapitulo 760.

Media

Manga

Isinurat asin pig-ilustrar ni Gosho Aoyama, an Case Closed nagpoon kan saiyang pag-serialize sa Shogakukan's shonen manga magazine Weekly Shōnen Sunday kan Enero 5, 1994. An Case Closed nagin saru sa pinakahalawig na serye nin manga, na may labing 1,000 na mga kapitulo na pinaluwas sa Hapon, asin an enot na mga kapitulo may labing 1,000 na ipinublikar sa Weekly Shōnen Sunday . Tinipon kan Shogakukan an mga kapitulo kaini sa mga indibidwal na tankōbon volumes. An enot na volume pinaluwas kan Hunyo 18, 1994. Kan Oktubre 18, 2021, an serye uminabot sa sanggatos na mga volume; An kagsurat kan One Piece, si Eiichiro Oda, na an serye nakamit an parehong gibo sarung bulan bago kaini, nagpadara nin mga pagbati ki Aoyama. Kan Abril 18, 2025, 107 na mga volume an naipublikar.

An Viz Media nagsambit kan saindang pag-arug kan serye sa North America kan June 1, 2004. Sa pagsusog sa Funimation's localization, an Viz nagluwas kan serye bilang Case Closed asin kinua an mga pangaran kan mga karakter tanganing mamintinar an consistency kan duwang media. An Viz Media iniluwas an primirong volume kan September 2004 asin nagpoon na iluwas an digital editions kan 2013. Kan May 9, 2023, an Viz Media inilunsad an saindang Viz Manga digital mga service, na an mga kapitulo sa serye nag-aako nin manlaen-laen na Ingles na pagpublikar sa North America, arug kan pagluwwas kaini sa Hapon. An Gollancz tiglisensyahan asin ipinanao ans kinse na VizMedia volumes sa United Kingdom bago an pagpundo kan pagpublikar kan manga. (An Viz Media ipinaluwas giraray ini). Kan 2014, an Shogakukan Asia nagpoon kan saindang sadiring English localization kan serye para sa Singapore asin iba pang Southeast Asian na mga nasyon bilang Detective Conan. Si Laura Thornton lan CBR.com, sinurat an parehong pagkakasadiri sa Shogakukan Asia asin Viz, tigsawod na an bersyon sa Singapore bilang, kun ikukumpara sa gibo kan Viz, "completely identical, word-for-word, even -- save for the names and the Detective Conan logo".