Dinailan

Gikan sa Bikol Sentral na Wikipedia, an talingkas na ensiklopedya
Dinailan, pasta nin dinukdok na balaw gamit bilang dotdotan o pansalak
Dinailan pigrolyo asin pinatos sa dahon-batag

An dinailan o dini'lan sarong kakanon na gibo sa dinukdok na pasayan, buyod o balaw asin ginibong pasta. Ini pampadugang sa namit sa anoman na giso. Pwede man ining dotdotan, pikpikan, o sinasalak sa pigpipritos na gulay-gulayon, sira o karne o sa kusido o sinigang man. Pwede man ini may salak na sili sa pagtaong kagat sa namit. Namimidbid ining marhay huli sa makusog na parong kaini na nakaagid baga sa parong nin naglalapang sira.[1][2]

Pag'andam[baguhon | baguhon an source]

Bago ini runoton asin gibohon na pasta, an mga balaw o saradit na pasayan binabalad na marhay sa saldang bilog na aldaw. Dangan binabayo ini sagkod na madukdok na pinong-pino asin magpulot na magin pasta dangan kinakaagan asin uyon sa pagnamit. Binabalad naman ini nin duwang aldaw; may beses asta tolong aldaw pa. Kun ini ititinda na, an pasta pinopormang cartucho na pwedeng giris-girison o pinopormang karo-kwadrado o rektanggulo. Sa pagtinda, parati pinapatos ini sa linobloban na dahon nin batag. Pinoporma man ining garo plato na kahibog nin sarong pulgada. An dinailan sentrong ginigibo sa Cabusao, Camarines Sur, o sa Mercedes, Camarines Norte. Igwa man naggigibo kaini sa Vinzons, Camarines Norte.

Mga takod na panluwas[baguhon | baguhon an source]

  • How to cook Dinailan [[3]]
  • Ginisang Dinilan [[4]]

Galeriya[baguhon | baguhon an source]

Toltolan[baguhon | baguhon an source]

  1. Bicol food Crawl.Dinailan.[1] Kinua 10-22-21
  2. How to make Dinailan. Video.[2]Kinua 10-22-21.