Mga diyalektong Chūgoku

Chūgoku na Hapon
Chūgoku na Hapon
Subo sa	Hapon
Rehiyon	Chūgoku
Pamilya nin Tataramon	Haponiko Hapon Sulnopan na Hapon Chūgoku na Hapon; ; ;
Mga kodigo nin tataramon
ISO 639-3	–
Glotologo	chug1253
	Lugar kan diyalektong Chūgoku. giyaw: mga diyalektong da. narangha: mga diyalektong ja.

An diyalektong Chūgoku (中国方言, Chūgoku hōgen) sarong pugro nin mga diyalektong Hapon na pigtataram sa kadaklan kan rehiyon nin Chūgoku asin sa amihanan-sulnopan rehiyon nin Kansai. Pwede ining pagbangaon sa duwang pugro susog sa porma kan copula.

Pugro nin copula ja (Rehiyon San'yō)
- An Aki midbid man bilang diyalektong Hiroshima (sulnopan na Prepektura nin Hiroshima, dati midbid bilang Probinsya nin Aki)
- An Diyalekto nin Bingo (subangan na Prepektura nin Hiroshima, dating midbid bilang Probinsya nin Bingo)
  - Diyalektong Fukuyama (Fukuyama)
- Diyalektong Okayama (Prepektura nin Okayama)
- An Yamaguchi na midbid man sa apod na diyalektong Chōshū (Prepektura nin Yamaguchi)
Pugro nin copula da (mga parte kan Rehiyon San'in)
- An Diyalektong Iwami (sulnopan na Prepektura nin Shimane, dating midbid bilang Probinsya nin Iwami)
  - An ja ginagamit man sa sulnopan na rehiyon kan Iwami.
- An Inshū, bisto man bilang diyalektong Tottori (subangan na Prepektura nin Tottori, dating bisto bilang Probinsya nin Inaba)
- An diyalektong Tajima (norteng Prepektura nin Hyōgo, dating midbid bilang Probinsya nin Tajima)
- An diyalekto nin Tango (pinaka-amihanan kan Prepektura nin Kyoto, dating midbid bilang Probinsya nin Tango apwera sa Maizuru)

Dawa ngani an Kansai dialect naggagamit nin kopula na ya, an diyalektong Chūgoku mayormenteng naggagamit nin ja o da. An diyalektong Chūgoku naggagamit nin ken o kee imbes na kara na boot sabihon "huli ta". Piggagamit man an ken sa diyalektong Umpaku, diyalektong Shikoku, diyalektong Hōnichi asin diyalektong Hichiku. Dugang pa, an diyalektong Chūgoku naggagamit nin -yoru sa progresibong aspeto asin -toru o -choru sa perpekto. Halimbawa na sana, Tarō wa benkyō shiyoru (太郎は勉強しよる) nangangahulugan na "Nag-aadal si Taro", asin Tarō wa benkyō shitoru (太郎は勉強しとる) nangangahulugan na "Nag-adal si Taro" mantang an mga ordinaryong parataram nin Hapon nagsasabi Tarō wa benkyō shiteiru (太郎は勉強している) sa parehong sitwasyon. -Choru kadaklan ginagamit sa diyalektong Yamaguchi.

An Pitch accent kan diyalektong Chūgoku kapareho kan diyalektong Tokyo asin sarong kontras sa diyalektong Kansai asin diyalektong Shikoku.

Mga toltolan