Domingo Guevara
Si Domingo Mariano Guevara, Sr. (Enero 2, 1909 - Nobyembre 29, 1990) sarong industrialista, negosyante asin kagmukna kan Radiowealth Corporation. Siya man an pnakaenot nagdesenyo nin autong lokal, an inapod niyang "sakbayan" (sasakyang bayan), na 80% gibo hale sa lokal na materyales. [1]
Pamilya asin Edukasyon
[baguhon | baguhon an source]Siya namundag sa banwaan nin Iriga (ngonyan Siyudad nin Iriga), nagdakula sa Pili, Camarines Sur asin nag'adal kan saiyang sekundarya sa banwaan nin Naga (ngonyan Siyudad nin Naga), sa Camarines Sur School of Arts and Trades (ngonyan, BISCAST). An saiyang ama iyo si Petronilo Guevara asin ina, si Eustaquia Mariano. An saiyang naagom iyo si Carmen San Buenaventura, sarong taga Naga.
Alagad, mga taon 1930, siya naghubo sa San Juan, Manila asin duman enot niyang napundar iyo an sarong radio repair shop. ta siya nagkua nin kurso sa paghirahay paagi nin mail correspondence.
Karera asin negosyo
[baguhon | baguhon an source]Nagpoon sana sa paghirahay nin radyo asta nagkaag na siya nin negosyo sa paggibo nin radyo dangan kun ano-ano na. Mala ta ini an nasambit manongod saiya, "At its height, the industrialist’s Guevara Enterprises or Guevent Group was engaged in manufacturing, electronics, communications, agriculture and industrial development, transportation and its own financing company, Radiowealth Finance, which continues to operate to this day through 80 branches all over the country."
An saiyang korporasyon kan kasagsagi naggigibo na nin mga piyesa sa radyo, mga piyesa sa air con, asin nagbibilog na nin mga radio unit, mga electric fan, asin manlaen-laen pang mga produktong elektroniko. Itinogdas niya man an DMG (Diesel Motors of Germany) na pinakaenot nagpagibo nin mga awto, prangkesa sa Volkswagen, Alemanya asin pinaluwas an nabantog na modelong Sakbayan na may makina nin Volkswagen asin nagpoon naman magpagibo kan mga saradit na piyesa kan awto arog kan air filter, oil filter, condenser, air con auto part, asin iba pa.[2]
Kan itindog an ley militar, si Guevara pinondo an saiyang nagdadakulang negosyo asin nagpaAmerika ta an saiyang mga negosyo hinihiling niya mayo na matalubo sa kamugtakan kan higot na palakaw-militar kan si Presidente Ferdinand Marcos, na sabi niya "pigkakakamkam" an saiyang negosyo kan nasabing presidente.[3][4]
An Gobyerno lokal nin Mandaluyong pig'onra si Guevara paagi nin pagsangle kan Kalye Libertad sa Kalye Domingo Guevara.
Nagadan si Guevara sa edad na 90 kan Nobyembre 29, 1990.
Panluwas na takod
[baguhon | baguhon an source]Toltolan
[baguhon | baguhon an source]Ginunoan
[baguhon | baguhon an source]- D.M. Guevara Story. Nick Joaquin. 1993.
