Ebanghelyo ni Marcos

An Ebanghelyo ni Marcos o An Ebanghelyo susog ki Marcos an ikaduwang ebanghelyo sa Bagong Tipan kan Bibliya. Segun sa tradisyonal na pagtubod, sinurat ini ni Juan Marcos na kaiba ni Apostol Pedro. Segun man sa kadaklan na mga iskolar kan Bibliya, an awtor kaini sarong dai midbid na Kristiyano asin an ebanghelyong ini iyo an pinakaenot sa tulo pang mga ebanghelyo sa kanon kan Bagong Tipan (Mateo, Marcos, Lucas asin Juan). An librong ini sinurat kaidtong mga 70 CE sa Syria asin pinagbasehan kan Ebanghelyo ni Mateo asin Ebanghelyo ni Lucas. An kadaklan sa mga iskolar ka an Bibliya nagtutubod na dinugang sana an Marcos 16:9-20 sa mga maabuton na manuskrito kan librong ini huli ta mayo ini sa mga suanoy na manuskrito kaini. Sa ibang bersyon kinaagan ini nin titulong "An Halabang Pagwawakas kan Marhay na Bareta Susog ki Marcos." Alagad tinatawan man an halipot na kabtang bilang An Halìpot na Pagwawakas kan Marhay na Bareta Susog ki Marcos.