Jump to content

Emanuele Fiano

Gikan sa Bikol Sentral na Wikipedia, an talingkas na ensiklopedya
Emanuele Fiano
Myembro kan Chamber of Deputies
Inkumbent
Pagtukaw sa pwesto
28 Abril 2006
Constituency Lombardy 1
Personal na mga detalye
Kamundagan (1963-03-13) 13 Marso 1963 (edad 61)
Milan, Italya
Partido politikal Democratic Party
Alma mater Polytechnic University of Milan

Si Emanuele (Lele) Fiano (namundag 13 Marso 1963, sa Milan, Italy[1]) myembro nin Italian Chamber of Deputies para sa centre-left Partito Democratico (Democratic Party of Italy).[1]Sarong prominenteng pigura sa komunidad nin Italyanong Hudyo, si Fiano dating presidente kan Komunidad Hudyo nin Milan asin dating direktor kan Unyon nin mga Komunidad Hudyo sa sa Italya.

Kaamayi nin buhay asin edukasyon[baguhon | baguhon an source]

Si Fiano Nedo Fiano, sarong nakaligtas sa Holokausto nadeportar sa Auschwitz alagad siya an solong nakaligtas sa pamilya niya. Sa saiyang pagkahubin, si Emanuele sarong Hudyong lider sa Hashomer Hatzair SocialistZionista hiron kan mga hubin sa Milan.[2]

Si Fiano nagklase sa Politecnico di Milano, kun saen siya naresibi an B.A. sa arkitektura kan 1988 asin saiyang PhD sa urban architectural design kan taon 2002. Pakatapos, siya saro nang arkitektong libre na mayong amo.[3]

Karera politika[baguhon | baguhon an source]

Kan 1996 si Fiano nanominar sa Italian Chamber of Deputies, College Giambellino/San Siro sa Milan, alagad siya dai man naelihir.[1] Siya naelihir sa Konseho kan Siyudad nin Milan kan 1997 asin nabotohan giraray sa dating pwesto kan 2001.[3]

Kan Abril 2006 siya naelehir sa Chamber of Deputies, Area III sa lista Olive. Nagin siyang myembro kan Partito Democratico kan Mayo 2008 asin naelehir sa Constituent Assembly sa primarya nasyonal kan Oktobre 2007 sa lista ni Walter Veltroni. Siya naman naelehir sa bandera kan Partito Democratico sa Abril 2008 na eleksyon sa Area III. Bilang parlamentaryo, siya nagserbi sa Commission of Transport, Posts and Telecommunications sa 2008 asin sa Committee on the Safety of the Republic poon Mayo 2008 abot Enero 2010.[1] Siya an tagataram kan home affairs para sa Partito Democratico.[4]

Durante kan enot na kongreso nin Partito Democratico, siya kandidato para sekretaryo heneral para sa Lombardy. Nakaag siya sa ikaduwang pwesto sa primarya kan 25 Oktobre 2009 na may mga 30% kan boto.[1]

Hudyo aktibismo[baguhon | baguhon an source]

Si Fiano direktor sa Komunidad Hudyo nin Milan poon 1988 abot 2001, na pamayo kan programa kultural. Dangan kaini, siya nagin presidente kan Komunidad poon 1998 sundo 2001. Poon 2001 abot 2006 siya Direktor kan Unyon nin mga Italyanong Komunidad nin mga Hudyo.[1]

Poon pa kan 2005 si Fiano iyo an sekretaryo nasyonal kan Makawala para Israel, sarong organisasyon politikal na nag'aampoyon sa mga pana'naw nin Israeli'ng Makawala asin naglalaban sa mga anti-Israel na mga pagkikiling. Sa siring na katongdan, si Fiano nagsusuporta sa mga inisyatibo sa interkultural na pagpapamugtakan, sakop an anoman na pag'urulay Israeli-Palestino. Siya nagsuporta man sa pagmukna k n inaapod na "Hardin nin mga Matanos" sa Monte Stella sa Milan.[1]

Pamilya[baguhon | baguhon an source]

Naagom niya si Tamara Rabà, sarong psikologo na taga-Milan, kan 1989. An mag'agom nag'estar sa kibbutz sa Israel nin sarong taon bago nagbalik sa Italya. Igwa sinda nin duwang aking lalaki, si David asin Michael.[3]

Toltolan[baguhon | baguhon an source]