Emma Roberts (parasurat)

Si Emma Roberts (27 Marso 1791 – 17 Setyembre 1840), mas bistado sa apod na "Miss Emma Roberts", sarong Ingles na parasurat asin pararawitdawit sa pagbiyahe asin bisto sa saiyang mga memoir manungod sa Indya. Sa saiyang panahon, siya tinitingag na gayo, asin spigkonsiderar siya ni William Jerdan bilang "sarong mapangganang marhay na parakultibar kan mga belles lettres".

Amay na buhay

Si Emma Roberts namundag kan Marso 27, 1791, magsalang sa London o (susog sa ibang mga pinagkukuanan) sa Methley, harani sa Leeds . ^[1] Saro siya sa tolong aki ni Kapitan William Roberts asin kan saiyang agom na si Eliza. An pamilya gikan sa Welsh, asin igwa nin makusog na koneksyon sa militar: Si William yaon sa serbisyo sa Rusya asin nagin paymaster kan sarong rehimen na Ingles; an saiyang tugang na lalaki iyo si Heneral Thomas Roberts, na nagpadakula kan ika-111 na Regiment of Foot kan 1794; asin an tugang na lalake ni Emma nagin sarong tenyente sa hukbo, alagad nagadan kan siya hoben pa. ^[1]

Kan magadan an saiyang ama, dinara siya asin an saiyang matuang tugang kan saiyang ina sa Bath.

Si Emma nakanuod kan saiyang ibang inadalan kay Frances Arabella Rowden, sarong marhay na maestra na maurag sa mga teatrong palabas. Binisto man siya ni Mary Russell Mitford bako sana bilang pararawitdawit kundi igwa nin "sarong kakayahan na gibohon na mga pararawitdawit an saiyang mga estudyante". Ini nakakonekta ki Roberts sa dakol pang bistadong mga parasurat arog nina Caroline Ponsonby, na nagin Lady Caroline Lamb; Anna Maria Fielding, na tigpublikar an Mrs. S. C. Hall; asin Rosina Doyle Wheeler, na naagom si Edward Bulwer-Lytton asin nagpublikar nin dakol pang ibang gibo arog ki Rosina Bulwer Lytton. Sa Hans Place boarding school, nagin kasaro man sa kwarto ni Robert si Letitia Elizabeth (Landon) Maclean, sarong pararawitdawit na mas bistado bilang "L.E.L." na sinuratan niya nin memoir.

Kundi, dae dapat malito an mga tawo sa saiyang haros kakontemporaryo na si Jane Roberts, na saiyang sinundan.

Karera

Nagpoon an karera ni Robert sa literatura kan tigpublikar an Memoirs of the Rival Houses of York and Lancaster kan taong 1827. Siya man pinagtibay na saliksikon an saiyang mawot alagad dae ini naresiber. Nagadan an saiyang ina asin an saiyang tugang nag-agom nin opisyales na naka-estasyon sa Bengal. Kan an saiyang tugang asin agom kaini nagduman sa India, inibahan ninda si Roberts. Nagadan an saiyang tugang asin dinara sa Calcutta, kun sain inayos niya an saiyang peryodikal na Oriental Observer. Alagad kan siya maghelang, nagbalik siya sa England kan 1833. Kan yaon siya sa India, nagpublikar si Roberts kan saiyang "descriptive" na rawitdawit, istorya asin saysay tungkol sa mga bagay na nahihiling niya sa India. Ini kinolekta asin napublikar bilang sarong libro. Parehas an saiyang rawitdawit asin libro sa pagbiyahe an nagtrayumpo. Dawa pa dakol na mga gibo an nabistado kan oras na ini, saro lang an dae matatawaran, iyo an "saiyang pagkaherak para sa mga Indiano, and saiyang mga memorya, an saiyang matanos na istilo an naggibo ki Robert nganing mabistado kan mga 21st century na mga parabasa.

Pagbalik sa Inglaterra, si Roberts nagbalik sa pag-edit sa laog nin kadikit na panahon. Nag-edit siya nin sarong bagong edisyon (an ika-64) kan librong pagluto ni Maria Rundell na A New System of Domestic Cookery, asin man sarong libro nin rawitdawit kan saiyang amigo na si Letitia Landon. Alagad kan 1839 nagdesisyon siyang magbalik sa India, bako sanang sa paagi nin direktang paglayag, kundi sa paagi nin pagbalyo hale sa Pransia, sa Ehipto pasiring sa Suez, dangan sa paagi nin barko pasiring sa Bombay . Nagduman siya kaiba sana an sarong babaeng amigo asin duwang bulan sana an inabot tanganing matapos an saiyang pagbaklay, na nag-abot sa katapusan kan Oktubre. Ini sarong kaparehong pagbaklay sa ginibo ni Anne Elwood, na naghona na an pagbaklay ni Roberts marikas na gayo. Si Roberts nagsurat nin sarong libro manungod sa saiyang pagbaklay. Sa India nagbalik siya sa pag-edit, an Bombay Gazette iyo an sarong titulo.

Kan Abril 1840 siya nagkahelang mantang nagbibisita sa Satara . Nagbalyo siya sa Poona tanganing magrahay, alagad sarong aldaw sana pagkatapos na mag-abot, siya nagadan duman kan 17 Setyembre. ^[1] Siya ilinubong kan parehong aldaw, harani sa lulubngan ni Maria Jane Jewsbury . ^[1] An saiyang pagkasaysay kan saiyang pagbaklay pasiring sa Bombay ipinublikar pagkagadan kan 1841.

Mga gibo

Memoirs of the Rival Houses of York and Lancaster, historical and biographical: embracing a period of English history from the accession of Richard II. to the death of Henry VII (1827)
Oriental Scenes (1832)
Scenes and Characteristics of Hindostan; with sketches of Anglo-Indian society (1835)
Views in India, China, and on the Shores of the Red Sea; Drawn by Prout, Stanfield, Cattermole, Purser, Cox, Austen, &c. from original sketches by Commander Robert Elliott, R.N.; with descriptions by Emma Roberts (1835)
The Zenana and Minor Poems of Letitia Elizabeth Landon: with a memoir by Emma Roberts (1837)
Notes of an Overland Journey through France and Egypt to Bombay (1841)

↑ ^1.0 ^1.1 ^1.2 ^1.3 Oxford Dictionary of National Biography (online ed.). Oxford University Press. doi:10.1093/ref:odnb/23747. Plantilya:ODNBsub Error sa pag-cite: Invalid <ref> tag; name "odnb" defined multiple times with different content

[odnb-1] 1.0 ^1.1 ^1.2 ^1.3 Oxford Dictionary of National Biography (online ed.). Oxford University Press. doi:10.1093/ref:odnb/23747. Plantilya:ODNBsub Error sa pag-cite: Invalid <ref> tag; name "odnb" defined multiple times with different content

[1]