Engkanto (Elf)
Engkanto sa Filipino o minsan tinotongdang Tawong Lipod sa Bicolano iyo an katumbas kan elf (pl.: elves), sarong klase nin humanoid na sobrenatural na nilalang sa Germanic na folklore. An mga elf lalo na nagpapahiling sa North Germanic na mitolohiya, asin nababanggit sa Icelandic Poetic Edda asin Prose Edda.
Sa mga kulturang Germanic na nagsasalita nin parehong lenguahe sa panahon nin medyebal, an mga Engkanto o elf o Tawong Lipod pig-iisipan bilang mga nilalang na may gahum nin mahika asin sobrenatural na kagayonan. Sinda bakong klaro kung kaibahan o kalaban kan mga normal na tawo, dahil pwede sindang magtabang o makadaning. Nagkakaiba-iba an mga pagtuo depende sa lugar asin panahon, asin nabuhay ini sa parehong pre-Kristiyano asin Kristiyanong mga kultura. An salitang elf makukuha sa gabos na Germanic na mga lenguahe. Sa orihinal, baga daw ang kahulugan kaini iyo an "putî na nilalang." Pero an pag-intindi sa orihinal na konsepto naka-base sana sa mga tekstong sinurat kan mga Kristiyano, sa Old asin Middle English, medyebal na German, asin Old Norse. Ini na mga teksto nag-uugna sa mga elf sa mga diyos kan Norse na mitolohiya, sa pagdara nin sakit, sa mahika, asin sa kagayonan asin pang-aakit.