Syudad nin Cebu

Para sa ibang gamit, hilingon an Cebu (klaripikasyon).

Mapa kan ciudad nin Cebu, ika--19 Siglo

Ciudad nin Cebu

Official seal of Ciudad nin Cebu
Kinamumugtakan
Mapa kan provincia kan Cebu na ipinapahiling an lokasyon kan ciudad kan Cebu Mapa kan provincia kan Cebu na ipinapahiling an lokasyon kan ciudad kan Cebu
Gobyerno
Rehiyon	Sentral na Visayas
Probinsya	Cebu
Mga Distrito	enot asin ika-2ng distrito kan Ciudad nin Cebu
Mga Barangay	80
Klase nin Ganar:	1a klase; urbanisado
Alkalde	Tomas D.R. Osmeña (BO-PK/Lakas-CMD)
Kamondagan	1565
Nagin ciudad	February 24, 1937
Opisyal na Websayt	www.cebucity.gov.ph
Pisikal na Kamugtakan
Hiwas	291.2 km²
Populasyon      Total (2000)      Densidad	718,821 41014/km²
Coordinates	10°17' N 123°54' E

Ciudad nin Cebu an kapitolyo kan Provincia nin Cebu sa Republika kan Filipinas. Ini an ikaduwang pinakáimportanteng area metropolitan sa nacion. Namomogtak ini sa subangan na babayon kan Isla nin Cebu. Ini an pinakágurang na ciudad sa enterong Filipinas asin an primerong banwaan na ginibong ciudad asin kapitolyo kan mga Kastila.

Ini an sentro nin trapikong bapor kan Filipinas asin pinageerokan kan sobra sa 80% na mga kompanyang bapor kan nacion. An Internasyonal na Palayogan nin Mactan, na 20 minutos sana an rayô sa ciudad, iyo an ikaduwang pinakámahigos na internacional na palayogan apwera sa Manila. An Cebu man an sentro nin negosyo, komersyo asin industriya kan Visayas asin Mindanao, na sur na parte kan nacion. Pigaapod ini sa Filipinas na "Queen City of the South" (Ciudad Reina del Sur). Segun sa sensus nin 2000, igwang 718,821 na katawong nakaistar digdi asin 147,600 na kaharongan.

An Ciudad nin Cebu iyo an sentro nin area metropolitana na pigaapod na Metro Cebu. Apwera sa Cebu mismo, komponido ini kan mga ciudad nin Mandaue, Lapu-Lapu asin Talisay. Sobra sa duwang milyon na katawo an nageerok sa enterong Metro Cebu.

Uusipon

Sa nakaaging sobrang 30,000 na taon, an Cebu, na Sugbo an dating ngaran, importante asin mayaman na banwaan na bago pa nag-abot an mga Kastila. An mga Cebuano kaidtong panahon nagkikinegosyo na sa Tsina asin sa mga iba pang estado kan sur-subangan nin Asya.

Sa 7 nin Abril, 1521, nagabot si Fernando Magallanes sa Cebu. Sa pagkabarkada kaini sa hade nin Cebu na si Rajah Humabon asin su agom niya, nagtugot an mga ini asin mga 800 na natibo nin isla na bunyagan sindang Kristiano. Sinda an nagin mga primerong Kristiano sa Filipinas. Pero dae naghaloy an magayon na relasyon kan mga Kastila asin Cebuano. Pinakiaraman ni Magallanes an mga iriwalan nin Humabon asin su mga kalaban kaini, partikularmente si Lapu-Lapu. Ginadan si Magallanes sa sarong iriwalan sa baybayon nin Cebu sa 27 nin Abril, 1521.

Sa 27 nin Abril, 1565 buminalik an mga Kastila na si Miguel Lopez de Legazpi, kaiba nin fraile na si Andres de Urdaneta. Nagibo an Cebu na kapital kan mga Kastila. Kinambyohan kaini an pangaran nin banwa na nagin Villa del Santissimo Nombre de Jesus sa 1 nin Enero, 1571. Limang taon naghaloy an pagkakapital kan Cebu nin Filipinas.

Naproklamar an provincia nin Cebu kan petsa 10 nin Marso, 1917. Ini an harong-probinsya ni Sergio Osmena Sr, na sinunodan si Manuel Quezon na presidente nin Commonwealth sa panahon kan Ikaduwang Guerra na Pankinaban.

An CEEBOOM iyo an pagapud sa dakolang pagasenso nin ekonomiya nin Cebu sa dekadang 90.

An Cebu an nagin sitio nin ASEAN Summit sa Enero nin 2007.

Mga panluwas na takod

• Opisyal na websayt kan lokal na govierno kan Ciudad nin Cebu