Pagkakaiba sa mga pagbabago kan "Kristianismo"
s r2.7.2) (robot minadugang: gv:Yn Chreestiaght |
s r2.6.6) (Robot: Binabago ang tw:Kinilisyano upang maging tw:Kristiyanu iñiy |
||
Linya 202: | Linya 202: | ||
[[tr:Hıristiyanlık]] |
[[tr:Hıristiyanlık]] |
||
[[tt:Xristianlıq]] |
[[tt:Xristianlıq]] |
||
[[tw: |
[[tw:Kristiyanu iñiy]] |
||
[[ug:مەسىھچىلىك]] |
[[ug:مەسىھچىلىك]] |
||
[[uk:Християнство]] |
[[uk:Християнство]] |
Pagbabago puon kaitong 17:46, 3 Marso 2013
KRISTYANISMO
An Kristyanismo ( hale sa kataga na Xριστός "Christ") sarong relihiyon na monoteista (saro sana an Diyos) na nakasentro sa buhay asin katokdoan ni Hesu Kristo susog sa pinapasunod asin nasusurat sa Bagong Tipan. Tinataya ngonyan na igwang poon sa 1.5 bilyon abot 2 bilyon na kristiyano.[1] Ini na an pinakadakulang relihiyon sa kinaban, renirepresentar an saro kaapatan (1/4) kan populasyon kan kina'ban. Kag-anom (16) na nasyon ginibo ini na relihiyon kan estado.
An mga parasunod kan relihiyon na ini, mga Kristiyano kun aporon, may pagtubod na si Hesus iyo an bugtong na Aki nin Diyos asin an Messiah (Kristo) na pighula sa Bibliya kan mga Hudyo (an kabtang kan eskritura na komun sa Hudaismo asin Kristyanismo). Para sa mga Kristiyano, si Hesukristo sarong paratokdo, modelo nin buhay na mabini asin banal, an tagapahayag manongod sa Diyos, asin siring man iyo an nanitawo kan Diyos. Orog sa gabos, an mga Kristiyano tinutubod na si Hesukristo iyo an paraligtas kan katawohan na iyo siya an nagdusa, nagadan asin nabuhay-liwat ngani mangyari an kaligtasan sa kasa'lan.
An mga Kristiyano tinutongkosan an pagtubod na si Hesus suminakat sa langit, asin kadaklan kan mga denominasyon kaini tinutukdo na si Hesus mabalik sa paghokom sa buhay asin gadan, asin mawaras nin pagkabuhay na daing kasagkoran sa saiyang mga parasunod. Inaapod kan mga Kristiyano an mensahe ni Hesukristo na Evangelio ("marhay na bareta") asin siring man an mga kasuratan dapit sa saiyang pagministro.
Mga pagtubod
Maski igwang pagkakaiba sa interpretasyon asin opinyon, an mga Kristyano may kinukugos na mga paniniwala, na iyo an pinaka-ubod kan saindang katinubdan.
Mga Tinutungkosan
An mga Kristyano may mga doktrinang tinutungkosan na komo mga tataramon o pagboyboy dapit kan saindang relihiyon. Ini kumbaga mga kredo (hale sa Latin credo, "ako nagtutubod") na nagpoon na mga tinataram sa pagbubunyag asin kan mga ika-apat asin ika-limang siglo nagin pusog na mga tataramon nin pagtubod.
An pangadye na Minatubod (Symbolum Apostolorum) nagtuhaw sa pag-oltan kan ika-duwa asin ika-siyam na siglo. Iyo ini an pinakapopular na kredo sa pagsamba kan mga Kristyano sa Solnopan. An pinaka-ubod kaini iyo an Trinidad (Sarong Diyos sa Tolong Persona) asin an Diyos na Kaglalang. Sinasabi na lambang doktrina nakukua igde sa kredong ini masususog sa mga tinaram kan mga Apostoles. An Minatubod iyo na an hinayokong na doktrinang Kristyano pinapangadye para sa mga kandidato sa pagbunyag sa mga simbahan. An mga doktrinang ini haros inaako kan kadaklan na mga kristyanong denominasyon:
- pagtubod sa Amang Diyos, ki Hesukristo bilang Aki nin Diyos asin sa Espiritu Santo
- an pagkagadan, paghilig sa impyerno, pagkabuhay-liwat, asin pagsakat sa langit ni Hesukristo
- an kabanalan kan Simbahan, asin an paropakinabang kan mga santo
- an pagdatong liwat ni Hesukristo, an Aldaw nin Paghokom asin an kaligtasan kan mga paratubod.