Karl Friedrich Schinkel

Si Karl Friedrich Schinkel

Si Karl Friedrich Schinkel (13 Marso 1781 – 9 Oktobre 1841) sarong Prusianong arkitekto, city planner, pintor na nadesensyo man nin mga sa mwebles asin sa mga entablado. Si Schinkel iyo an saro sa pinakaprominenteng arkitekto sa Alemanya asin siya nadensenyo kan pareho neoclassical asin neogothic na mga edipisyo. Hepe kan patrabaho kan departamento kan Estado prusiano asin arkiteikto kan pamilya real, siya nagdara nin dakulang impluensya sa modernong hiro nin arkitektura.

Biograpiya

Si Schinkel namundag sa Neuruppin, Margraviate nin Brandenburg. Kan siya anom pa lang, an ama niya nagadan sa karaba nin Neurippin kan 1787. Nagin siyang estudyante ni arkitektong Friedrich Gilly (1772–1800) asin kan ama kaini na si David Gilly, sa Berlin. Pagbalik niya sa Berlin hale sa enot niyang biyahe sa Italya kan 1805, nagpoon siyang maghanapbuhay paagi sa pagpinta. Para sa pagtrabaho sa entablado, siya nagmukna kan 1816 nin kurtinang backdrop sa pagpasale sa "Königin der Nacht" na may mga pinturang bitoon para sa opera ni Wolfgang Amadeus Mozart na The Magic Flute, na pirmi nganeng nasasambit sa mga modernong produksyon kan bantogan na piyesang ini ni Mozart. Kan saiyang nahiling an pinturang titulado na Wanderer above the Sea of Fog na ginibo ni Caspar David Friedrich, nasabi niya na dai niya kaya an siring na kagayon na pagpintura, kaya siya nag'atubang na sa pagsibot sa arkitektura. Pagkadaog ki Napoleon Bonaparte, si Schinkel pinag'asikaso an pagtogdok kan Prussian Building Commission. Sa katongdan na ini, siya bako sanang responsable sa paghira kan hitsura kan lumang Berlin na magin kabesera representante kan enterong Prussia kundi namahala siya kan mga proyekto sa mas mahiwas na teritoryo kan Prusya poon Rhineland sa solnopan abot sa Königsberg sa bandang subangan arog kan Simbahan nin Bagong Altstadt.

Poon 1808 abot 1817 si Schinkel pighirahay asin binarago an Schloss Rosenau, Coburg, sa istilong Gothic Revival.

Mga pintura asin mga ginuhit

• Mga pintura ni Karl Friedrich Schinkel
• 
  Gothic Katedral sa may Tubig
• 
  Entablado ni Karl Friedrich Schinkel para ki Mozart na Magic Flute
• 
  Christian Peter Wilhelm Beuth asin alegoryang industrial para sa Prusyanong pagbabago
• 
  Syudad medieval sa may salog
• 
  Arkong Gapo
• 
  Tanawon kan Mont Blanc
• 
  Aga