Pagkakaiba sa mga pagbabago kan "Jaime Malanyaon"

Content deleted Content added

Inline

Pagbabago puon kaitong 12:43, 10 Oktubre 2008

Si Jaime T. Malanyaon (11 Hunyo 1913 - 6 Abril 1999) sarong edukador, historyador, linggwista asin Bikolista.

Siya nagin superintendente sa apat kan anom na school division sa Kabikolan. Haros sa lawig kan saiyang buhay yaon sa lantad nin edukasyon. Komo sarong parasurat, an pirang libro sinurat niya sa tataramon na Bikol na tinampadan niya nin sa Ingles (English gloss).

Istorya nin buhay

Siya namundag sa Calabanga, Camarines Sur. An mga magurang niya iyo sinda Roman Carrion Malanyaon asin Doña Aquilina Valdemor Tordilla. An naagom niya (Mayo 4, 1939) iyo si Catalina Brendia Velasco (25 Nob. 1916 - 26 Agosto 1998) na nagin sarong maestra asin nagin sarong Gintong Ina Awardee manta siya nagkamit man kan Pro Eclesiae Et Pontificae Award na iginawad saiya kan Santo Papa kan Simbahan Katolika. Nagkaigwa sinda nin doseng (12) aki: Jaime (abogado), Oscar (edukador), Mario (inhenyero), Joven (padi), Teresita (nars), Benigno Jaime (sikologo), Rommel (nars)), Vito (negosyante), Aurora Rosario (nutritionist), Luz (nars), Maria Concepcion (anesthesiologist/negosyante), asin si Maria Belen (maestra).

Nag-adal siyang haiskul sa Camarines Sur High School asin, komo sarong iskolar kan gobyerno, nakatapos siya nin kolehiyo (Edukasyon) sa Philippine Normal School na ngonyan Philippine Normal University na. Nagin man siyang prinsipal sa kaamayan kan saiyang karera duman sa Tinambac, Camarines Sur kun saen nanompongan nya an saiyang naagom na si Catalina.

Sarong uusipon sa laog kan pamilya iyo na an ginikanan daa kan mga Malanyaon sarong cimarron na pinili na magtukad sa Isarog kisa magpasakop sa mga Kastila kan panahon.

Pagkaretiro ni Malanyaon, siya an namayo (chairman) kan Archdiocesan Bikol Translation Committee. Nagin man siya myembro kan Komitiba na nagpalis kan Ingles na bibliya sa Bikol sa lindong kan Philippine Bible Society

Aktibo man siyang myembro kan KABIKOLAN, INC., sarong kaburonyugan sa pagpa-uswag kan Kulturang Bikolnon asin myembro man kan Phjilippine Historical Society. Siya myembro man kan broadcast media igdi sa Kabikolan asin parasurat sa duwang peryodikong Bikol: an Vox Bikol asin an Harubay.

Mga sinurat asin napalagda' niyang mga libro:

Diamond Jubilee of Region V (1901-1978), dapit sa edukasyon igdi sa Kabikolan. 1978
Tambobong Nin Mga Piniling Tataramon sa Bikol (Bikol-English Thesaurus), AMS Press. 1990.
ISTORYA KAN KABIKOLAN (KABIKOLAN: A HISTORY), AMS Press. 1991. 568 na boklit.May Bibliograpia asin Index.
Calabanga. 1993
Ina and Her Faithful. 1997
An Puso Kan Kabikolan. 1997
Camarines Sur: Bikolandia's Premier Province. 1998

Mga huwad kaining nasambit na mga libro igwang saray an National Library.

Ginunoan

ISTORYA KAN KABIKOLAN, Jaime T. Malanyaon. AMS Press, Syudad nin Naga. 1991. 568 na boklit.
Kuleksyon sa National Library .
Pahayag asin osipon ni Rommel V. Malanyaon (Hunyo 13, 2008)

Pagbabago puon kaitong 07:28, 10 Oktubre 2008 baguhon Filipinayzd (urulay \| ambag) Mga admin 23,414 edits No edit summary ← Mas luma		Pagbabago puon kaitong 12:43, 10 Oktubre 2008 baguhon i-undo Ringer (urulay \| ambag) 23,305 edits No edit summary Mas bago →
Linya 1:		Linya 1:
	[[Ladawan:IMGP9985.JPG\|thumb\|~~200px~~]]		[[Ladawan:IMGP9985.JPG\|thumb\|180px]]

	Si '''Jaime T. Malanyaon''' (11 Hunyo 1913 - 6 Abril 1999) sarong edukador, historyador, linggwista asin [[Bikolista]].		Si '''Jaime T. Malanyaon''' (11 Hunyo 1913 - 6 Abril 1999) sarong edukador, historyador, linggwista asin [[Bikolista]].