Ernst Neizvestny
| Ernst Neizvestny | |
|---|---|
 Ernst Neizvestny | |
| Native name | Эрнст Ио́сифович Неизве́стный |
| Kamundagan | Ernst Iosifovich Neizvestny 9 Abril 1925 Sverdlovsk |
| Kagadanan | 9 Agosto 2016 (edad 91) Nweba York |
| Nasyunalidad | Ruso |
| Alma mater | Art Academy of Latvia, Surikov Moscow Art Institute, Moscow State University |
| Midbid bilang | Iskultor, pintor, graphic artist, pilosopo sa arte |
| Mga notableng gibo | Mask of Sorrow |
| Istilo | Mga iskulturang mala-monumento |
| Paghiro | Ekspresionismo |
| Mga gawad | State Prize of the Russian Federation (1996) |
| Elected | The Russian Academy of Arts (2004) |
Si Ernst Iosifovich Neizvestny (Russian: Эрнст Ио́сифович Неизве́стный; 9 Abril 1925 – 9 Agosto 2016[1]) sarong Rusong iskultor, pintor, graphic artist, asin pilosopo sa arte. Siya naghubo' sa Estados Unidos kan 1976 asin nag'estar saka nagtrabaho sa Nweba York. An apelyido niya literalmente boot sabihon "dai midbid".
An Amerikanong playwright Arthur Miller nagsambit ki Neizvestny na siya an "artista nin Subangan na pigmimirar kan mga Ruso komo iyo an "ekspresyon kan nasyon, kan kalag kaini, lenggwahe, asin espiritu" asin bilang "propeta kan mag'aaboton" asin nagrerepresentar kan konsyensya pilosopo kan saiyang nasyon"."[2]
Si Alexander Calder, na sarong Amerikanong artista, nagtaram man ki Neizvestny, "Bilog na buhay ko nagmumukna ako kan kinaban kan mga aki, asin ika iyo an nagmumukna kan kinaban nin katawohan."[3]
Kaamayi nin buhay[baguhon | baguhon an source]
Si Neizvestny namundag kan 9 Abril 1925 sa Sverdlovsk (ngonyan Yekaterinburg) sa sarong pamilyang Hudyo.[4]
Durante kan panahon niya, kan hubin pa sya, nagpasiring siya sa Sverdlovsk School № 16. Duman amigo niya sarong estudyanteng an pangaran Vladimir Vinnichevsky, na ngapit nagin sarong seryeng paragadan.
Kan 1942, sa edad na 17, nagbali siya sa Red Army komo sarong boluntaryo. Sa pagtapos kan Ikaduwang gerang pankinaban, siya nagrabeng malugadan asin nagsapo nin sinasabing "clinical death".[2] Siya huli kaini nagawadan postuma nin medalya Order of the Red Star na pigresibi kan saiyang ina ta ini nakaresibi notisyang opisyal na an saiyang aki nagadan na, alagad si Neizvestny maski paro-pano nabuhay.[2]
Kan 1947, si Neizvestny nag-enrol sa Art Academy of Latvia nin Riga. Pinadagos niya saiyang edukasyon sa Surikov Moscow Art Institute asin sa Philosophy Department nin Moscow State University. An saiyang mga iskultura, na parati binabase sa porma kan hawak nin tawo, maunambitan kan ekspresionismo kaini asin kan makusog na pagkamahunat kaini. Maski pinipili niya an materyal na bronse, an mas darakulang mga monumentong ginigibo niya an ginagamit niya paril o konkreto. Kadaklan kan saiyang mga gibo natalay sa mahiwas na paitok, na an bantog kaini iyo an The Tree of Life, sarong temang napagantad niya poon kan 1956.
Mga gawad asin dekorasyon[baguhon | baguhon an source]
- Order of the Red Star (1945)[2][5]
- Order "For Merit to the Fatherland", third class[5]
- Order of Honour[5]
- State Prize of the Russian Federation[5]
Toltolan[baguhon | baguhon an source]
- ↑ "The unknown warrior". The Economist 420 (9003): 70. 2016-08-20.
- ↑ 2.0 2.1 2.2 2.3 Официальный сайт Эрнста Неизвестного Lua error in Module:In_lang at line 40: attempt to call local 'name_from_tag' (a nil value).
- ↑ siring sa usip kan New York City Tribune, 29 Marso 1988.
- ↑ Bazin, Jerome; Glatigny, Pascal Dubourg; Piotrowski, Piotr (2016-03-01). Art beyond Borders: Artistic Exchange in Communist Europe (1945?1989 (in English). Central European University Press. ISBN 978-963-386-083-0.
- ↑ 5.0 5.1 5.2 5.3 "Ernst Neizvestny dies in New York". Russkiy Mir Foundation. 10 August 2016. Retrieved 13 November 2019.
