Goodluck Jonathan

Gikan sa Bikol Sentral na Wikipedia, an talingkas na ensiklopedya
Si Goodluck Jonathan

Si Goodluck Ebele Azikiwe Jonathan (namundag, Nobyembre 20 1957) iyo an ika-14 asin presenteng Presidente kan Nigeria.

Siya nagin Gobernador kan Estado nin Bayelsa poon Desyembre 9, 2005 abot May 28, 2007 nasin nagsumpa komo Bise Presdiente kan Republika Federal n in Nigeria kan Mayo 29, 2007. Si Jonathan kaapil kan namoon na People's Democratic Party (PDP). Kan Enero 13, 2010 an korte federal tinawan siya nin poder na magkapot kan renda nin gobyerno mantang si Presidente Umaru Yar'Adua nagpapabulong sa sarong ospital sa Saudi Arabia. An Senado kan Nigeria kan Pebrero 24, 2010 pig'oyonan an desisyon kan korte na ibalyo na ngona an poder presidensyal ki Jonathan. Kan nagpule na si Yar'Adua, si Jonathan nagpadagos kan saiyang papel bilang pamayo.[1] Kan magadan si Yar'Adua kan Mayo 5, 2010, siya na an nagsangle sa pwesto komo presidente, asin nanumpa siya kan Mayo 6, 2010. Si Jonathan nanngana kan Abril 16, 2011 sa eleksyon presidensyal dawa may nagsasarabi may nangyaring darayaan asin kariribokan sa parteng norte kan nasyon.[2]

Namundag kan 1957 sa rona' kan mayaman-sa-asayting Niger Delta, si Jonathan aki sa mga magurang niyang an hanapbuhay naggigibo nin baroto. Sarong kristiyano, siya hale sa Ijaw na etnikong tribu. Siya nag'adal asin nakatapos sa kursong Zoology asin nagin inspektor sa edukasyon, lecturer, asin opisyal sa opisinang tagamato kan kapalibotan bago nagtapsok sa pulitika kan 1998.[3]



Toltolan[baguhon | baguhon an source]


Mga panluwas na takod[baguhon | baguhon an source]