Metropolitanong Katedral nin Naga

Gikan sa Bikol Sentral na Wikipedia, an talingkas na ensiklopedya
An Metropolitan Katedral kan 2012

An Metropolitanong Katedral nin Naga iyo an simbahan kan paroko ni San Juan Evangelista na sakop kan Arkidiosesis nin Caceres. Ini namumugtak sa kalye Elias Angeles sa Syudad nin Naga asin an katedral kataraid an eskwelahan na Naga Parochial School asin man an Holy Rosary Minor Seminary

Agi-agi[baguhon | baguhon an source]

An Katedral napangyare kan an Dioceses nin Nueva Caceres pinagmukna huli sa ri'gon kan Papal Bull kan Agosto 14, 1595. Alagad, an nasabing katedral bako pa sa presenteng lugar kundi yaon namugtak sa kun saen an presenteng saod ngonyan, harani sa tulay nin Tabuc, sa kantong gayo kan inapod na ngonyan na Kalye Zamora asin kalye Heneral Luna. An katedral narogba' nin kasulo kan taon 1768. An paghaman kan presenteng katedral sa Espanyol-Romanesque'ng istilo pino'nan kan 1808 (1816?) asin ini pinagboot ni Obispo Bernardo de la Concepcion. Alagad, an nasabing edipisyo kan katedral tinugdok na sa pueblocillo nin Santa Cruz, na sa presente iyo na ngonyan an namumugtakan kaini. Natapos ini kan taon 1843 asin dinuhulan bendisyon ni Mons. Tomas Ladron de Guevara. Kan Oktobre 24, 1856 an Katedral linamasa nin makusogon na bagyo asin naraot. Si Rev. Fray Francisco Gainza (1862-1879) pighingoa na mapahirahay asin mabalik sa dating gayon niya. Kan taon 1887 inagihan naman ini nin makusog na linog alagad sa paagi nin Obras Publicas napahirahay man tolos sa direksyon ni Obispo Arsenio Campo asin katuwang si Inhinyero Ricardo Ayuso natapos an paghirahay kan taon 1890.[1]

Mga Dagdag na basahon[baguhon | baguhon an source]

  • Gerona, Danilo M. Yglesia Catedral de San Juan Evangelista de la Ciudad de Nueva Caceres (1595-1898).228 na pahina. Publikado 2019 kan Bikol Historical Research Center.

Galeriya[baguhon | baguhon an source]

Toltolan[baguhon | baguhon an source]